Kásipqoı boks • 02 Jeltoqsan, 2021

Ýsık aqsha usynsa, Djoshýa kúte turady

55 ret kórsetildi

WBA (super), IBF, WBO jáne IBO tujyrymdary boıynsha asa aýyr salmaqtaǵy álem chempıony, ýkraınalyq boksshy Aleksandr Ýsık kelesi jekpe-jegin WBC tujyrymy boıynsha álem chempıony, ulybrıtanııalyq Taıson Fıýrıge qarsy ótkizýi múmkin, dep habarlaıdy Egemen.kz.

Bul týraly Aleksandr Ýsıktiń promoýteri Aleksandr Krasıýk málimdedi. Onyń oıynsha asa aýyr salmaqtaǵy álemniń eks chempıony, Ulybrıtanııa boksshysy Entonı Djoshýa qarjylaı syıaqy alsa, Ýsıkpen ótkizýge tıis mindetti qarymta kezdesýden ýaqytsha bas tartýy múmkin eken.  Árıne, mundaı jaǵdaıda Aleksandr Ýsıktiń komandasy Taıson Fıýrımen shaıqas uıymdastyryp, álemniń absolıýtti chempıonyn anyqtaýǵa nıetti.

«Entonı Djoshýa oıdaǵydaı aqsha alsa, sál kúte turady degen áńgimeniń bolǵany ras. Mundaı gý-gý Taıson Fıýrı Deonteı Ýaılderdi jeńgen sátte-aq bastalǵan bolatyn. Djoshýa qarjylaı usynysty qarastyrýǵa ázir ekenin men de estidim. О́zi de asa aýyr salmaqtaǵy shıelenistiń durys sheshilgenin qalaıtynyn aıtqan. Aleksandr Ýsık qarjylyq jaǵy durys qarastyrylsa, Taıson Fıýrıge qarsy rıngke shyǵýǵa daıyn ekenin jetkizdi. Djoshýa da qarsylyq tanytyp otyrǵan joq. Oǵan da birden álemniń absolıýtti chempıony ataǵyna talasqan tıimdi ekeni daýsyz», deıdi promoýter.

Sońǵy jańalyqtar

Tozaq qaqpasy

Rýhanııat • Keshe

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar