Elorda • 03 Jeltoqsan, 2021

Elordanyń turǵyn úı alaptary gazǵa qosyldy

56 ret kórsetildi

«QazTransGaz» ulttyq kompanııasy Nur-Sultan qalasyndaǵy Internasıo­nalnyı, Mıchýrıno jáne Kúıgenjar turǵyn úı alaptaryn tabıǵı gazǵa qosty. Aıtýly oqıǵa Tuńǵysh Prezıdent kúni qarsańynda oryn alyp, el Táýelsizdiginiń 30 jyldyǵymen tuspa-tus keldi.

Gaz qubyrlarynyń jalpy uzyndy­ǵy 101 shaqyrymdy qurap otyr. Olardyń jumysyn jańadan salynǵan tıisti gaz ınfraqurylymy qamtamasyz etedi. Bar­ly­ǵy 1 164 abonentti gazdandyrý josparlaný­da. Onyń ishinde Internasıonalnyı tur­ǵyn úı alabynda – 1 182, Mıchýrınoda – 226, Kúıgenjar turǵyn úı alabynda 236 abonent gazǵa qosylmaq.

Internasıonalnyı turǵyn úı alaby­nyń alǵashqy tutynýshylaryna gazdy qosý­dyń saltanatty rásimine Nur-Sultan qa­lasynyń ákimi Altaı Kólginov jáne «QazTransGaz Aımaq» AQ astana óndiristik fılıalynyń dırektory Dáýlet Aryqbaev qatysty.

D.Aryqbaevtyń aıtýynsha, el astana­sy­nyń alǵashqy abonentteri gazǵa ótken jyl­dyń ortasynda qosylǵan. Jaqynda olar­dyń sany myńnan asty.

– Búginnen bastap biz Internasıonal­nyı, Mıchýrıno jáne Kúıgenjar turǵyn úı alaptaryna kógildir otyn bere bastaımyz. Eń aldymen gaz kúndelikti turmysta qoldanýǵa qolaıly otyn. Ekinshiden, ekologııalyq taza ónim sanalady. Eń bas­tysy, turǵyndar qaýipsizdik erejelerin qatań saqtasa eken, – dedi «QazTransGaz Aımaq» AQ astana fılıalynyń dırektory.

Qazir Nur-Sultanda bolashaq abonentterden turǵyn úılerdi gazdandyrý úshin teh­nıkalyq sharttar berýge ótinishter qabyl­daý belsendi júrgizilip jatyr. Búginde qala boıynsha 4 600-den astam tehnıkalyq shart berilip, 15 myńnan astam adam keńes aldy.

Buǵan deıin Nur-Sultan qalasynyń ákimdigi men «QazTransGaz Aımaq» AQ arasynda jańa salynǵan gaz taratý jelilerine senim­gerlik basqarý sharty jasaldy. Búgin­gi tańda gazdy iske qosýdyń tórt kesheni paı­dalanýǵa berildi. Qalaishilik gaz taratý jeli­lerin jergilikti atqarýshy organdar mem­lekettik bıýdjet esebinen salýda. Qazir­gi ýaqytta josparlanǵan 486,5 shaqyrym gaz qubyrynyń 78 shaqyrymy salyndy.

Nur-Sultan qalasynda 22 myń jeke turǵyn úıdi, 192 jeke qazandyqty, 48 shaǵyn kommýnaldyq qazandyqty, 2-shi JEO-ny gazǵa kóshirý josparlanýda. Budan bólek tutynýshylardyń ortalyq jylý júıesine qosylmaǵan kommýnaldyq-turmystyq jáne ónerkásiptik nysandary gazdandyrylady.

Osylaısha, el astanasynyń Almaty jáne Saryarqa aýdandary tolyqtaı gazben qamtamasyz etildi.

– Gazǵa kóshýdiń artyqshylyqtary kóp. Gaz qoldanysta yńǵaıly, ekologııalyq turǵydan taza ári qaýipsiz. Búgin gazǵa kósh­ken birqatar eldi mekenniń turǵyn­dary­men kezdestik. Ortasha eseppen alǵanda olar osy kúnge deıin qys mezgilinde 20-60 tonna kómir jaǵyp kelgen. Úıler gazǵa qansha­lyq­ty kóp qosylsa, qala atmosferasyna zııandy zattardyń taralýy soǵurlym azaıady, – dedi Altaı Kólginov.

Ákimniń aıtýynsha, qazir qalada 1,5 myńnan astam otbasy gazdy paıdalanýǵa kóshken. Osy­nyń esebinen keminde 20 myń tonna kómir jaǵylmaı otyr. Sondaı-aq barlyq sý jylytý qazandyǵy gazǵa aýys­tyryldy. Bul sharalar qala ekologııasyna jaǵymdy áser etedi. Buǵan deıin Kóktal-1, Kóktal-2, Temir­jol­shylar, Promyshlennyı, Agroqala­shyq, Ońtústik-shyǵys eldi meken­deriniń turǵyndary gazǵa kóshý múm­kin­digine ıe boldy. Bul rette 650 shaqy­ry­m­nan astam gaz taratý jelisi salyndy.

– Gazdandyrý – Elbasynyń tarıhı jobasy. Ol úsh kezeńnen turady. Jobany júzege asyra bastaǵan sátten bastap áleýmettik az qamtylǵan otbasylarǵa gazǵa kóshýge kómektesý úshin qoldaý kórsetilip keledi. Basty krıterıı – basqa turǵyn úıdiń bolmaýy jáne tórt eń tómengi kúnkóris deńgeıinen aspaıtyn jan basyna shaqqandaǵy ortasha tabystyń bolýy. Bul degenimiz – 153 872 teńge. Bul sanattarǵa 90 AEK mólsherinde aqshalaı kómek bólemiz. Bul 260 myń teńgeden astam qarajatty quraıdy. Áleýmettik kómektiń osy túrin alýǵa ótinimdi egov.kz elektrondyq úkimet portaly arqyly qaldyrýǵa bolady. Gazdandyrý prosesi Memleket basshysynyń tikeleı baqylaýynda, – dep jazdy astana ákimi óziniń Instagram jeli­sindegi resmı paraqshasyna.

«QazTransGaz Aımaq» AQ óndiristik-tehnıkalyq departamentiniń dırektory Ýálıhan Qymbatovtyń aıtýynsha, eger gazdyń kelýi aqyryndasa nemese basqa da jaǵdaılar oryn alsa, turǵyndar 104 biryńǵaı nómirine habarlasýy kerek. Bolmasa iKomek qosymshasynda óti­nish qaldyrǵan jón. Mundaı jaǵdaıda kom­panııanyń eki mobıldi brıgadasy tur­ǵyn­darǵa jedel kómek kórsetip, oryn alǵan problemany dereý sheshedi.

Kógildir otynǵa qoly jetken turǵyn­dardyń qýanyshynda shek joq. Qalanyń baıyrǵy turǵyny Ádilbek Tólekenov gazǵa qosylý turǵyndardyń ómirin jeńildete túskenin jetkizdi.

– Turǵyndar aýyr jumystan arylyp, ekologııalyq taza otynǵa kóshti. Biz bul kúndi asyǵa kúttik. Eldiń turaqty damýy­nyń nátıjesinde Internasıonalnyı tur­­ǵyn úı alabynda da órkenıettiń oń belgi­l­eri biline bastady. Osy kúnge deıin úıdi kó­mir­men jylytyp keldik. Jylyna 22 ton­na kómir jaǵamyz. Osylaısha, bir maý­­sym­ǵa 400 myń teńgeden astam qarjy jum­­saı­myz. Buǵan adamdarǵa aıtarlyqtaı aýyrt­­­pa­lyq ákeletin dene júktemesin ári eko­lo­gııaǵa tıgen zııandy qosyńyz. Al gazǵa qo­sylý ómirimizdi jaqsarta túspek. Bul – úlken ıgilik. Sondyqtan ıgilikti iske uıyt­qy bolǵan el basshylyǵyna, qala ákimi­ne jáne tıisti jumystardy tııanaqty atqar­ǵan «QazTransGaz» kompanııasyna alǵysy­myzdy bildiremiz, – dedi Ádilbek Tólekenov.

Sońǵy jańalyqtar

Elordadaǵy JEO-3 bıyl iske qosylady

Elorda • Búgin, 11:10

Almatyda epıdahýal kúrdelenip barady

Koronavırýs • Búgin, 11:00

«Omıkronnyń» bastapqy belgileri qandaı?

Koronavırýs • Búgin, 10:50

Dúısenbige arnalǵan aýa raıy boljamy

Aýa raıy • Búgin, 09:25

«Sary» aımaqta Túrkistan oblysy tur

Koronavırýs • Búgin, 09:10

Oıyn-saýyq ortalyqtary jumysyn toqtatty

Koronavırýs • Búgin, 09:00

Jetisýda juqpaly indettiń ekpini qatty

Koronavırýs • Búgin, 08:57

Koronavırýs qaıta kúsheıdi

Koronavırýs • Búgin, 08:54

Ońtaılysy – onlaın oqý

Aımaqtar • Búgin, 08:53

Qyzmet túrleriniń tizbesin keńeıtti

Ekonomıka • Búgin, 08:50

Sapa artpaıynsha, sýbsıdııa joq

Aımaqtar • Búgin, 08:45

Koronavırýs qaıta órshidi

Álem • Búgin, 08:42

Antıbıotıkti orynsyz qoldaný qaýipti

Medısına • Búgin, 08:35

Vırýs juqtyrý azaımaı tur

Koronavırýs • Búgin, 08:30

Asyǵys sheshim

Qazaqstan • Búgin, 08:15

Kómek kórsetiledi

Qoǵam • Búgin, 08:10

Qor strategııasy ázirlenedi

Qazaqstan • Búgin, 08:00

Uqsas jańalyqtar