Kıno • 03 Jeltoqsan, 2021

«Boksshy» fılmin tamashalady

77 ret kórsetildi

Almatyda qazaqstandyq sportshy Serik Sápıevtiń Olım­pıada altynyna qol jet­kizý tarıhyn baıan­daı­tyn «Boksshy» fıl­miniń tusaý­keseri ótti. Kınotýy­n­dynyń alǵashqy kórsetilimine basty keıipkerdiń prototıpi, ataq­ty sportshy Serik Sápıev qatysty.

– Fılmde meniń ómir­baıa­­nym sýrettelgen, barlyq keıipker de ómirde bar adam­dar. О́ziniń aldyna maq­sat qoıǵan adamnyń qandaı jetis­tikterge qol jetkize alaty­nyn baıandaıtyn týyndy. Fılm­di túsirmes buryn ssenarıı avtorlarymen jáne rejısser Aqan Sataevpen birneshe ret kezdesip, kartınanyń je­­li­sin talqyladyq. Fılm­niń bar­lyq túsirý tobyna al­ǵysym­dy bildiremin, – dedi Serik Sápıev.

Tusaýkeser rásiminde sóz sóılegen rejısser Aqan Sa­taev kelgen qonaqtarǵa alǵy­syn bildirip, bul premerany uzaq ýaqyt kútkenderin aıtty.

– Osy jobada bar kúshin salyp, sheberlikpen eńbek etken fılmniń túsirý tobyna rahmet aıtamyz. Kıno­týyndynyń jaryqqa shy­ǵýyna sebepker bolǵan Má­de­nıet jáne sport mı­­­nıs­tr­ligine, «Ulttyq kıno­ny qol­daý memlekettik orta­ly­­­ǵy­na», sondaı-aq túsi­ri­lim­ kezinde bizge qoldaý kórset­ken qala basshylyǵy­na, sport bazalary­nyń jetek­shilerine alǵysymdy jet­kiz­gim keledi, – dedi rejısser.

«Boksshy» fılminiń al­ǵashqy kórsetilimine kelgen qonaqtar atalǵan kıno­týyn­dy kóńilden shyqqa­nyn jasyrmaı, fılm sońyn­da uzaq qol soǵyp, akterlermen sýretke tústi.

– Fılm maǵan unady, erekshe áser aldym. Olım­pıa­da­nyń aldynda qandaı sezimde bolsam, búgin de sol tol­ǵanysty qaıta bas­tan kesh­tim, keıbir sahnalary tipti jú­rekke tıdi. Bul fılm­di anam da kórgisi kelip, pro­kat­qa shyqqanyn kútip otyr, – dedi Serik Sápıev.

Aıta ketsek, «Boksshy» fılmi elimizdiń barlyq kınoteatrlarynan kórsetile bastaıdy.

 

ALMATY

 

Sońǵy jańalyqtar

Búgin 3 qalada aýa sapasy nasharlaıdy

Aýa raıy • Búgin, 09:38

Uqsas jańalyqtar