Koronavırýs • 03 Jeltoqsan, 2021

Indonezııa Qazaqstannyń vaksına pasportyn moıyndady

73 ret kórsetildi

Taǵy bir memleket COVID-19 vaksınasy týraly qazaqstandyq pasportty moıyndaýǵa nıetti, dep habarlaıdy Egemen.kz.

Búgin onlaın rejımde Health Business Gathering forýmy ótti, onyń barysynda QR Densaýlyq saqtaý vıse-mınıstri Marat Shoranov pen Indonezııa Respýblıkasynyń Densaýlyq saqtaý mınıstri Býdı Gýnadı Sadıkın COVID-19 vaksınasııasy týraly sertıfıkattardy tanýǵa qatysty ózara túsinistik týraly Memorandýmǵa qol qoıdy.

Qujat Qazaqstan Úkimeti «Egov mobile» mobıldik qosymshasyn paıdalana otyryp bergen COVID-19 koronavırýstyq ınfeksııasyna qarsy vaksınasııa sertıfıkattaryn jáne «PeduliLindungi» platformasyn paıdalana otyryp berilgen COVID-19 koronavırýstyq ınfeksııasyna qarsy vaksınasııa sertıfıkattaryn tanýdy kózdeıdi. Is-shara barysynda vıse-mınıstr COVID-19 taralýyna jol bermeý bóliginde Qazaqstan qabyldap jatqan sharalar men quraldar týraly baıandady.

Osylaısha, Densaýlyq saqtaý mınıstrligi sońǵy jeti kúnde 100 myń turǵynǵa shaqqandaǵy syrqattanýshylyq deńgeıine jáne R udaıy óndirý koeffısıentine negizdelgen boljamdar men arnaıy matrısany paıdalana otyryp, Qazaqstandaǵy epıdemıologııalyq jaǵdaıǵa turaqty túrde baǵalaý júrgizedi. Matrısanyń negizinde eldiń naqty óńirlerinde shekteý sharalaryn kúsheıtý nemese álsiretý týraly sheshim qabyldanady. Basqa eldermen vaksınasııa pasporttaryn ózara taný jumystary jalǵasýda.

Búgingi tańda qazaqstandyq vaksınasııa pasportyn álemniń 20 eli moıyndaǵan: Argentına Respýblıkasy, Vengrııa, Grýzııa, Iran Islam Respýblıkasy, Iordanııa, Qyrǵyz Respýblıkasy, Maldıv Respýblıkasy, Mońǵolııa, Armenııa Respýblıkasy, Belarýs Respýblıkasy, Moldova Respýblıkasy, Perý Respýblıkasy, San-Marıno respýblıkasy, Serbııa Respýblıkasy, Týnıs Respýblıkasy, Úndistan Respýblıkasy, Fılıppın Respýblıkasy, Taıland, Túrkııa Respýblıkasy jáne Estonııa Respýblıkasy. Budan basqa, Qazaqstan vaksınalardy ázirleýshi elderdiń arasynda bolǵandyqtan jahandyq «ujymdyq ımmýnıtetke» óz úlesin qosýda.

QazVac otandyq vaksınasyn Qazaqstannyń bıologııalyq qaýipsizdigi ulttyq ǵylymı-zertteý ınstıtýty ázirledi.

«Biz osy vaksınany shyǵaratyn zaýyt qurylysynyń ekinshi kezeńin aıaqtap, 2022 jyly jylyna 60 mıllıon dozadan qýat alamyz dep úmittenemiz. Biz QazVac vaksınasynyń eksportyn uıymdastyrýǵa daıynbyz», dep túıindedi vıse-mınıstr Indonezııalyq áriptesterin QazVac vaksınasyn birlesip shyǵarýǵa shaqyrdy.

О́z kezeginde Indonezııanyń Densaýlyq saqtaý mınıstri Býdı Gýnadı Sadıkın Qazaqstannyń COVID-19 pandemııasymen kúrestegi kúsh-jigerin joǵary baǵalady jáne DSM ókilderine Indonezııa óz tarıhynda alǵash ret jıyrma (G20) tobynda resmı túrde tóraǵalyq etkenin, pandemııadan keıin ekonomıkany qalpyna keltirý, energetıkalyq kóshý jáne sıfrlyq transformasııa máselelerine nazar aýdarýǵa ýáde berdi.

Osyǵan baılanysty Indonezııa DSM basshysy Qazaqstandy damyǵan jáne damýshy memleketter arasyndaǵy koronavırýsqa qarsy vaksınalardy taratý isindegi alshaqtyqty azaıtýǵa óz úlesin qosýǵa shaqyrdy.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar