Bul zattardy mýzeıge «Ulttyq mýzeıge syı tartý» is-sharasy aıasynda aqynnyń kelini, M.Maqataev atyndaǵy qordyń tóraǵasy Baqytgúl Aıdarova tapsyrǵan eken.
Endi ol qandaı jádigerler deısiz ǵoı, aldymen ardaqty tulǵanyń ózi kıgen kostıým shalbaryn aıtsaq bolady. Odan keıin taǵy bir qymbat dúnıe −1954 jyly Máskeýden jaryq kórgen «Rýssko-kazahskıı slovar» jınaǵy. Bul sózdikti A.Isqaqov, H.Mahmýdov, Ǵ.Musabaev syndy avtorlar qurastyrǵan. Muqaǵalı aǵamyz kózi tirisinde osy jınaqty qolynan tastamaǵan kórinedi. Sonymen birge aqyn tutynǵan kese men saby gúlmen órnektelgen qasyq ta kózimizge jyly ushyrady. Qysqasy, Ulttyq mýzeıge jolyńyz túse qalsa, alyp aqynnan qalǵan jádigerlerdi kórýińizge bolady.
