О́zbekstan Respýblıkasyn damytý maqsatynda arnaıy demokratııalyq reformalar júzege asyrylýda. Maqsatty strategııalar ázirlenip, jańa О́zbekstandy nyǵaıtý aıasynda naqty jospar qurylǵan. Mundaı qarqyndy qadamdardy júzege asyrýǵa kórshi el kóshbasshysy Prezıdenttikke qadam basqan alǵashqy kúnnen kiriskenin jetkizdi.
«Biz ulttyq ekonomıkanyń ósý qarqynyn arttyrý, jeke sektordy yntalandyrý jáne onyń úlesin arttyrý arqyly ekonomıkanyń qurylymynda jan basyna shaqqandaǵy ishki jalpy ónimniń turaqty ósýin qamtamasyz etemiz, sondaı-aq tikeleı sheteldik ınvestısııalardy tartý arqyly 2030 jylǵa qaraı О́zbekstan jan basyna shaqqandaǵy tabysy ortasha deńgeıden joǵary birqatar memlekettiń qataryna kire alady. Bul rette elimizde tynyshtyq pen qaýipsizdikti qamtamasyz etý, zańnyń ústemdigi, ádil áleýmettik saıasatty júzege asyrý, sondaı-aq rýhanı-bilim salasyndaǵy reformalardy kúsheıtýdegi jumysymyzdyń basty ólshemi «Jańa О́zbekstan – aǵartýshy qoǵam» konsepsııasy bolyp qala bermek.
«Is-qımyl strategııasynan – Damý strategııasyna» ıdeıasyn iske asyrý sheńberinde biz Ortalyq Azııa aımaǵynda ózara túsinistik pen qurmet, tatý kórshilik pen strategııalyq áriptestik atmosferasyn nyǵaıtý baǵytyn jalǵastyrý nıetindemiz. Bul maqsattarǵa qol jetkizý eń jaqyn kórshilerimiz – Ortalyq Azııa memleketterimen ózara is-qımylsyz múmkin emes ekeni sózsiz», dedi Shavkat Mırzııoev.
Sondaı-aq, ol ózbek-qazaq qatynasynyń berik bekýinde Elbasy Nursultan Nazarbaevtyń rólin erekshe atap ótti.
«Qazaqstan bul qatarda óte mańyzdy oryn alady, baıypty saıası, qarjylyq, ekonomıkalyq, demografııalyq áleýetke ıe, sonymen qatar Ortalyq Azııa memleketteri men halyqtaryn jaqyndastyrýǵa múddeli.
Osy tarıhı úderisterde zamanymyzdyń iri memleket jáne saıası qaıratkeri, Qazaqstannyń Tuńǵysh Prezıdenti – Elbasy Nursultan Ábishuly Nazarbaevtyń sińirgen eńbegi zor ekenin erekshe atap ótkim keledi», dedi ol.
О́zbekstan Prezıdentiniń pikiri men ustanymdary, ózge de oıymen «О́zbekstan Prezıdenti Shavkat MIRZIIoEV: Jarqyn bolashaqty birge quramyz» suhbatynda tolyq tanysa alasyz.
