Táýelsizdiktiń 30 jyldyǵy • 04 Jeltoqsan, 2021

Shavkat Mırzııoev: Álisher Naýaı men Abaı Qunanbaıuly dáriptegen dostyq – ortaq baılyǵymyz

74 ret kórsetildi

О́zbekstan Prezıdenti Shavkat Mırzııoev «Egemen Qazaqstan» gazetine bergen suhbatynda táýelsizdiktiń otyz jyldyq belesinde Qazaqstan tolaıym tabystarǵa qol jetkizgenin, Elbasy Nursultan Nazarbaev ýaqtyly qabyldaǵan uzaqmerzimdi strategııalyq baǵdarlamalar men ózge de ómirsheń jobalar óz jemisin bergenin atap ótti, dep habarlaıdy Egemen.kz.

«Biz baýyrlas Qazaqstannyń sońǵy úsh onjyldyqtaǵy orasan tabystaryna, onyń zamanaýı serpindi damýyna shyn júrekten qýanyshtymyz. Eńbek pen talanttyń, maqsatshyldyq pen halyq birliginiń, Qazaqstan basshylyǵynyń dana da kóregendi saıasatynyń arqasynda el barlyq salada orasan zor tabystarǵa jetti.

Aýqymdy jobalardy, so­nyń ishinde bizge jaqsy tanys, ozyq otyz eldiń qataryna ki­rýdi maqsat etken «Qazaqstan – 2050» Strategııasyn, «100 naqty qadam», «Nurly jol» údemeli ın­­­dýstrııalyq-ınnovasııalyq da­­mý baǵdarlamasyn tıimdi jú­zege asyrý qazaqstandyqtarǵa qýatty memleket ári halyqaralyq básekege qabiletti ekonomıka qurýǵa múmkindik berdi. Qa­zir­gi Qazaqstan búkil álemge memle­kettik jáne qoǵamdyq qu­ry­lys­taǵy tańǵalarlyq jetistikterdi, halyqtyń ómir súrý deńgeıi men sapasynyń turaqty ósýin kór­setýde.

О́zbek jáne qazaq halyqtary qashanda bir-birine tirek bolyp, synaqtardy jumyla eńser­genin, bú­ginde ortaq jarqyn bola­sha­ǵy­myzdy birge quryp jatqany­myzdy taǵy bir ret atap ótkim keledi.

Uly aqyndar men oıshyldar Álisher Naýaı jáne Abaı Qunan­baıuly halyqtarymyzdyń dostyǵyn eń úlken baılyq retinde qorǵap, nyǵaıtýdy bizge ósıet etken. Al búgin biz baýyr­las elderimiz ben halyqtary­myz­dyń, balalarymyz ben nemere­lerimizdiń tynyshtyǵy men aman­dyǵy úshin qoldan kelgenniń bárin jasaýǵa daıynbyz.

Qazaqstan Respýblıkasynyń halqyn tamasha mereke – Táýelsiz­diktiń 30 jyldyǵymen shyn júrekten quttyqtaımyn, jańa jetistikter, órkendeý men tabystar tileımin», dedi Shavkat Mırzııoev óz oıyn túıindep.

 

 

Sońǵy jańalyqtar

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar