MÁSKEÝDE TURATYN QAZAQSTANDYQ ARDAGERLERMEN KEZDESTI

Uly Jeńistiń 65 jyldyǵy qar­sa­ńynda Qazaqstan Respýblıka­sy­nyń Reseı Federasııasyndaǵy Tótenshe jáne ókiletti elshisi Zaý­yt­bek Turysbekov Máskeýde tura­tyn qazaqstandyq soǵys ardager­le­rimen kezdesti, dep habarlady QR-nyń RF-daǵy elshiliginiń baspasóz qyzmeti. Elshi Qazaqstan Prezıdenti Nur­sultan Nazarbaevtyń atynan meıman­dardy Uly Jeńis kúnimen quttyqtap, barlyq qatysýshylarǵa rızashylyq jáne qurmet sózderin aıtty. Osy rette ol qazaqstan­dyq­tardyń ortaq Jeńiske qosqan úle­sin erekshe atap kórsetti. “Sizder­diń erlikterińiz ben órlikterińiz, Otanǵa alǵaýsyz beril­gendikterińiz keıingi urpaq tárbıe­si­niń berik negizi, Otanǵa degen súıis­pen­shi­liktiń eren úlgisi bolyp taby­la­dy”, – dedi óz sózinde Z.Turysbekov. Ardagerlerge eskertkish syı­lyqtar tabys etildi. Qazaqstannyń Reseıdegi elshi­li­gi sondaı-aq “QazMunaıGaz” Ult­tyq kompanııasynyń yqpalymen “Jeńis muragerleri” sharasy sheń­berinde Astana men Máskeý qala­la­ry arasynda telekópir uıymdas­tyrdy. Munda qazaqstandyq jáne reseılik ardagerler arada 65 jyl ótken soń bir-birimen júzdesýge múmkindik aldy.