Elorda • 04 Jeltoqsan, 2021

Pikirsaıys týrnıri bastaldy

70 ret kórsetildi

4 jeltoqsan kúni Nur-Sultan qalasynda stýdentter arasyndaǵy ulttyq pikirsaıys týrnıri óz jumysyn bastady, dep habarlaıdy Egemen.kz.

M. Nárikbaev atyndaǵy QazGZÝ-de Qazaqstan Respýblıkasy Táýelsizdiginiń 30 jyldyǵy men Tuńǵysh Prezıdent kúnine arnalǵan Ulttyq pikirsaıys týrnıriniń ashylýy ótti.

Ulttyq týrnır Nursultan Nazarbaev Qory Elbasy akademııasynyń qoldaýymen ótse, uıymdastyrý jumystaryna Ulttyq pikirsaıys federasııasy jaýapty bolyp otyr.

Týrnırge irikteý kezeńderinen ótken 80 adam qatysýda. Doda amerıkandyq jáne brıtandyq parlamenttik formatta qazaq, orys tilderinde  uıymdastyrylǵan. Al úzdik spıker Lınkoln-Dýglas formaty boıynsha anyqtalady.

Is-sharanyń ashylý saltanatyna Elbasy akademııasynyń basqarýshy dırektory Murat Jumanbaı, QazGZÝ rektory, Nur-Sultan qalalyq Máslıhatynyń depýtaty Talǵat Nárikbaev, Ulttyq pikirsaıys federasııasynyń prezıdenti Bolat Buharbaı qatysty.

«Sońǵy jyldary elimizde barlyq oblysty qamtıtyn ulttyq deńgeıdegi stýdenttik pikirsaıys týrnıri ótkizilgen joq. Bul dodanyń  ereksheligi – elimiz boıynsha óz óńirlerinde jeńiske jetken eń úzdik komandalardyń qatysýy. Elbasy Akademııasy aldaǵy ýaqytta da pikirsaıys qozǵalysyn qoldaıtyn bolady», dep atap ótti Murat Jumanbaı.

Elordaǵa jınalǵan úzdikter eki kún boıy qazaq jáne orys lıgalarynda júldeli oryndarǵa talaspaq. Aıta keterligi, respýblıkalyq týrnırdiń jalpy júlde qory 2 000 000 teńgeni quraıdy.

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar