Aldymen kun.uz. saıty О́zbekstan Prezıdentiniń qazaq basylymyna jarııalanǵan súbeli suhbaty týraly aqparatpen bólisti.
«О́zbekstan Prezıdenti Shavkat Mırzııoev «Kazahstanskaıa pravda», «Egemen Qazaqstan» gazetterine suhbat berdi.
«Egemen Qazaqstan» gazetiniń basshysy Shavkat Mırzııoevten suhbat aldy. Gazettiń basshysy Darhan Qydyrálige bergen suhbatynda Shavkat Mırzııoev eki memlekettiń bolashaqtaǵy birlesip atqarar jumysy týraly aıtty. Memleket basshysy О́zbekstan men Qazaqstan arasyndaǵy halyqaralyq qatynastardy da joǵary baǵalady. Áńgime eki el arasyndaǵy yntymaqtastyqtyń bolashaq josparlaryna baılanysty egjeı-tegjeıli qozǵaldy», delingen agenttik jarııalaǵan maqalada. Sondaı-aq olar Qazaqstannyń bas basylymy elde eń kóp tırajben taraıtynyn da atap ótken.
Qazaqstannyń bas basylymdaryna jarııalanǵan Shavkat Mırzııoevtiń suhbaty uza.uz portalynyń da nazarynan tys qalmaǵan. Aqparattyq agenttik basshylyǵy materıaldy «Shavkat Mırzııoevtiń suhbaty qazaqstandyq gazetterde jarııalandy» degen taqaryppen berýdi jón kórgen.
«Qazaq tilinde jaryq kóretin «Egemen Qazaqstan» jáne orys tilinde kúndelikti shyǵatyn «Kazahstanskaıa pravda» gazetinde О́zbekstan prezıdentiniń suhbaty jarııalandy. Onda jańa О́zbekstannyń Damý strategııasy, Qazaqstanmen qarym-qatynastardyń jaı-kúıi, aldaǵy saparlardan kútiletin nátıjeler týraly aqparat usynylǵan.
Memleket basshysy sondaı-aq Ortalyq Azııanyń bolashaǵy, óńirlik jáne halyqaralyq qurylymdar aıasyndaǵy yntymaqtastyqtyń perspektıvalary týraly óz pikirin bildirdi», delingen uza.uz saıty taratqan aqparatta.
El prezıdentiniń qazaqstandyq basylym basshysyna bergen suhbaty m.aniq.uz saıty jýrnalısteriniń de nazaryn aýdarǵan.
«Prezıdent Shavkat Mırzııoevpen bolǵan áńgime Qazaqstannyń «Kazahstanskaıa pravda» jáne «Egemen Qazaqstan» gazetterinde jarııalandy. Basylym basshysy Darhan Qydyrálige bergen suhbatynda prezıdent eki memlekettiń birlesip tyndyrar kóptegen jobalary jaıly sóz qozǵaǵan» depti m.aniq.uz saıtynyń tilshisi.
Budan bólek О́zbekstannyń birneshe aqparat agenttikteri men saıttary Prezıdent suhbatyn ózbek tiline aýdaryp basqan. Taǵy birneshe saıt kun.uz. aqparat agenttiginiń jarııalaǵan habaryn kóshirip basqan.
Esterińizge sala keteıik, bas basylymnyń senbi kúni shyqqan sanynda jarııalanǵan suhbatta О́zbekstan prezıdenti jaqynda ǵana qurylǵan Túrki memleketteri uıymynyń atqarar jumysy men maqsaty jaıly oıymen bólisip, Aral teńiziniń problemasyna toqtalyp, Qazaqstannyń táýelsizdik jyldarynda qol jetkizgen tabysy týraly tolǵanǵan bolatyn. Sondaı-aq kórshi eldiń kóshbasshysy Elbasy Nursultan Nazarbaevtyń táýelsiz Qazaqstannyń damýyndaǵy aıryqsha rólin de tiline tıek etken edi.
