Búginderi elimizdiń zeınetaqy júıesine birqatar ózgeris engizilip jatyr. Solardyń biri – áıelderdiń zeınet jasyn ulǵaıtý. «Qazaqstan Respýblıkasynda zeınetaqymen qamsyzdandyrý týraly» QR Zańynyń 11-babyna sáıkes áıelderdiń zeınet jasy 2027 jylǵa deıin jyl saıyn 6 aıǵa ulǵaıtylyp otyrady.
Bul ózgeristi júzege asyrý úshin 2018-2027 jyldar aralyǵyndaǵy 10 jyl ishinde áıelderdiń zeınet jasyn kezeń-kezeńimen 63 jasqa deıin jetkizý josparlanǵan. Iаǵnı bıyl qazaqstandyq áıelder 60 jasta zeınetke shyqqan bolsa, 2022 jyldyń 1 qańtarynan bastap 60 jas 6 aı bolǵan kezde ǵana zeınetke shyǵa alady.
QR Eńbek mınıstrliginiń málimetinshe áıelderdiń zeınet jasyn kezeń-kezeńmen ulǵaıtý kózdelgen:
2018 jylǵy 1 qańtardan bastap – 58,5 jasqa tolǵanda;
2019 jylǵy 1 qańtardan bastap – 59 jasqa tolǵanda;
2020 jylǵy 1 qańtardan bastap – 59,5 jasqa tolǵanda;
2021 jylǵy 1 qańtardan bastap – 60 jasqa tolǵanda;
2022 jylǵy 1 qańtardan bastap – 60,5 jasqa tolǵanda;
2023 jylǵy 1 qańtardan bastap – 61 jasqa tolǵanda;
2024 jylǵy 1 qańtardan bastap – 61,5 jasqa tolǵanda;
2025 jylǵy 1 qańtardan bastap – 62 jasqa tolǵanda;
2026 jylǵy 1 qańtardan bastap – 62,5 jasqa tolǵanda;
2027 jylǵy 1 qańtardan bastap – 63 jasqa tolǵanda.
Osyǵan oraı 1961 jyldyń ekinshi jartysynda dúnıege kelgen názik jandar 2021 jyldyń sońyna deıin zeınetaqy tólemderin taǵaıyndaýǵa ótinish berýleri qajet. О́tinish berip úlgermegen jaǵdaıda tek jarty jyldan keıin, ıaǵnı 2022 jyldyń shilde aıynan keıin ǵana zeınettik demalysqa shyǵa alady.
Eńbek mınıstrligi ótinish berilgen kúnnen bastap 10 jumys kúni ishinde qaralatynyn eskertedi.
