Aımaqtar • 06 Jeltoqsan, 2021

Shymkentte sport mektepterin ońtaılandyrý júıeli júrgizilýde

110 ret kórsetildi

Shymkent qalasynda sporttyq ınfaqurylymdy damytý, sport mektepterin ońtaılandyrý baǵytynda júıeli jumystar júrgizilýde. Bıyl qańtar aıynda qala ákiminiń Qaýlysyna sáıkes, № 3 sport mektebi L.Tájıeva atyndaǵy №4 olımpıada rezerviniń mamandandyrylǵan balalar-jasóspirimder sport mektebine qosyldy, dep jazady Egemen.kz Shymkent qalasy ákimdiginiń baspasóz qyzmetine silteme jasap.

Jumysy qaıta uıymdastyrylǵan sport mektebine búginde álemdik deńgeıdegi tóreshi Baqytjan Jaqsyqulov jetekshilik etedi. Bilikti mamanǵa zor senim artylyp otyr.

«Buryn eki mektepte de uqsas sport túrleri jumys istedi. Biriktirýdiń nátıjesinde qazirgi ýaqytta sporttyń 9 túrin damytý mindeti júktelip otyr. Jalpy 14 sport túriniń 5-i ońtaılandyrý júıesimen basqa mektepterge ótti. Endi oqý-jattyǵý bazalaryn qaıta jańǵyrtý, bilikti mamandardy tartý boıynsha jumys atqarýymyz kerek. Olımpıada oıyndary, álem chempıonattarynda tóreshilik etken kezimde, sol elderdiń sporttyq bazasymen tanysyp, jattyǵý tásilderin, oqý prosesterin árdaıym baqylap júrdim. Endi bizge de jumysty jańasha uıymdastyryp, sporttyq bazalardy jańǵyrtý, nátıjelerdi odan ári jaqsartý baǵytynda jumys isteýimiz qajet», deıdi Baqytjan Erjanuly.

y

Sport mektebiniń oqý-jattyǵý bazalaryn zaman talabyna saı jańǵyrtý basty nazarda tur. Qazirgi tańda mektepke tıesili úsh jattyǵý bazasy bar. Júzý jáne trıatlon bazasy 1965 jyly salynǵan. Onda medısına kabıneti, jattyqtyrýshylar bólmesi, kıim aýystyrý, trenajer zalyn jańǵyrtý ýaqyt kúttirmeıdi. Jańa ákimshilik korpýs salý da josparda.

k

Oqý-jattyǵý bazalaryn zamanaýı úlgide jańartý baǵytynda jumys josparlary jasalýda.

Tarıhy tereń mekteptiń jeńisti dástúri úzilmeýi tıis. Baqytjan Erjanuly 2013 jyldan beri №4 sport mektebine basshylyq etedi. Endi bilikti mamanǵa zaman talabyna saı ońtaılandyrylǵan mekteptiń jumysyn júıeleý, joǵary sport sheberlerin daıarlaýda taǵy bir jaýapkershilik júktelip otyr.

Sońǵy jańalyqtar

Petropavlda jas jigitti KamAZ qaǵyp ketti

Aımaqtar • 27 Mamyr, 2022

Uqsas jańalyqtar