Prezıdent • 06 Jeltoqsan, 2021

Qasym-Jomart Toqaev pen Shavkat Mırzııoev keńeıtilgen quramda ekijaqty kelissóz júrgizdi

106 ret kórsetildi

Qasym-Jomart Toqaev pen Shavkat Mırzııoev shaǵyn quramda ótken mazmundy kezdesýden keıin eki eldiń resmı delegasııalary músheleriniń qatysýymen kelissózdi keńeıtilgen quramda  jalǵastyrdy, dep jazady Egemen.kz Aqordaǵa silteme jasap.

Prezıdentter saýda-ekonomıkalyq yntymaqtastyqty nyǵaıtý, onyń ishinde ózara taýar aınalymyn arttyrý, ınvestısııa tartý jáne ónerkásip, aýyl sharýashylyǵy, qurylys, kólik salalary boıynsha kooperasııany damytý máselelerine basa mán berdi. Sondaı-aq sý-energetıkalyq jáne mádenı-gýmanıtarlyq salalardaǵy ózara yqpaldastyq máselesi talqylandy.

Qasym-Jomart Toqaev myzǵymas dostyq pen tatý kórshilikke negizdelgen Qazaqstan men О́zbekstan arasyndaǵy kópjaqty baılanystardyń qarqyndy damyp kele jatqanyn atap ótti.

– Búginde Qazaqstan men О́zbekstan arasyndaǵy myzǵymas dostyq pen tatý kórshilikke negizdelgen san qyrly qarym-qatynastardyń strategııalyq yqpaldastyq rýhynda qarqyndy damyp kele jatqanyn erekshe rızashylyqpen atap ótemin. Birlesken kúsh-jigerimizdiń arqasynda qazaq-ózbek yntymaqtastyǵy barlyq salada buryn-sońdy bolmaǵan shyńdarǵa kóterildi. Qurmetti Shavkat Mıromonovıch, osy oń úrdiske Siz súbeli úles qostyńyz, – dedi Memleket basshysy.

Qazaqstan Prezıdenti búginde eki el memleketaralyq seriktestiktiń jarqyn úlgisine aınalǵan berik ári úılesimdi qarym-qatynas ornatqanyn aıtty. Barlyq deńgeıde belsendi ári asa senimdi saıası dıalog ornatylǵan. Úkimet deńgeıindegi júıeli jumystar júrgizilip jatyr jáne parlamentaralyq baılanystar da nyǵaıyp keledi. Taraptar kópjaqty qurylymdar men tetikter aıasynda ózara tabysty jumys istep jatyr. Qazaqstan men О́zbekstannyń aımaqtyq jáne halyqaralyq kún tártibindegi kóptegen máseleler boıynsha, onyń ishinde Aýǵanstandaǵy ahýaldy turaqtandyrý máselesine qatysty kózqarastary men ustanymdary ortaq.

– Saýda-ekonomıkalyq yntymaqtastyqty damytýda teńdessiz ilgerileý bar. Bıylǵy 10 aıdyń qorytyndysy boıynsha ekijaqty saýda aınalymy 30 paıyzǵa artyp, 3 mıllıard dollardan asty. Biz jýyq arada saýda aınalymynyń kólemin 5 mıllıard dollarǵa, al odan keıin 10 mıllıard dollarǵa deıin jetkizý mindetin qoıdyq. Pikiralmasý nátıjesinde bul qol jetkizýge bolatyn maqsat degen tujyrymǵa keldik. Árıne, atqarýshy organdar, eń aldymen, úkimetterimiz osy maqsatqa jetý úshin tıisti jumystardy júrgizýge tıis, – dedi Qasym-Jomart Toqaev.

Taraptar gýmanıtarlyq baılanystardyń jandanǵanyn oń baǵalady. Halyqtarymyzdyń ortaq rýhanı-mádenı qundylyqtaryn baıyta túsken Qazaqstan men О́zbekstan jyldary eki jaqta da atap ótildi. Memleketaralyq qatynastardyń mártebesin odaqtastyq deńgeıine deıin kóterý jónindegi sheshim eki el basshylarynyń kelissózderi nátıjesinde qol jetkizgen mańyzdy ýaǵdalastyqtardyń biri boldy.

– Búgin biz memleketaralyq qatynastardyń mártebesin odaqtastyq deńgeıine deıin kóterýge ýaǵdalastyq. Jańa ǵana osy másele boıynsha pikir almasyp, munyń elderimiz arasyndaǵy múldem jańa sapaly deńgeı ekenin atap óttik. Árıne, odaqtastyq qatynastar memleketterimizge erekshe mindet júkteıdi. Men memleketaralyq keńes qurý jóninde usynys aıttym. Osy keńes aıasynda biz qajetsiz resmılikten tys, iskerlik negizde jıi bas qosa alamyz, – dedi Qazaqstan Prezıdenti.

О́z kezeginde Shavkat Mırzııoev shaǵyn quramda ótken kelissózdiń mazmundy bolǵanyn atap ótip, eki el arasyndaǵy saýda aınalymynyń rekordtyq deńgeıge jetkenin jáne birlesken jobalardyń sátti júzege asyrylyp otyrǵanyn aıtty.

– Biz kóp qyrly yntymaqtastyǵymyzdyń ózekti máseleleri boıynsha múddelerimiz ben ustanymdarymyzdyń ortaq ekenin taǵy da dáleldedik. Elderimiz arasynda ornatylǵan jaqyn ári baýyrlastyq baılanystarymyzdy joǵary baǵalaımyz. Jańa ǵana Qasym-Jomart Kemeluly halyqtarymyzdyń osy saparǵa rızashylyq tanytyp jatqanyn aıtty. Shyn máninde, shekara mańyndaǵy eki eldiń de turǵyndary qatty qýanady. Sebebi biz jıi kezdesken saıyn ózara qatynastarymyz jaqsara túsedi. Mashına jasaý, energetıka, elektrotehnıka, hımııa, jeńil ónerkásip, bankter jáne basqa da salardaǵy kooperasııa boıynsha sátti shyqqan jobalarymyz bar, – dedi ­О́zbekstan Prezıdenti.

Qasym-Jomart Toqaev pen Shavkat Mırzııoev kelissózder qorytyndysy boıynsha Qazaqstan Respýblıkasy men О́zbekstan Respýblıkasy arasyndaǵy odaqtastyq baılanystar týraly Deklarasııaǵa qol qoıdy.

Budan bólek memleketter basshylarynyń qatysýymen resmı delegasııalardyń músheleri tómendegi qujattarǵa qol qoıdy:

Qazaqstan Respýblıkasy men О́zbekstan Respýblıkasy arasyndaǵy Bas bostandyǵynan aıyrýǵa sottalǵan adamdardyń jazacyn odan əri óteý úshin berý týraly shart;

Qazaqstan Respýblıkasynyń Úkimeti men О́zbekstan Respýblıkasynyń Úkimeti arasyndaǵy Tótenshe jaǵdaılardyń aldyn alý jáne olardy joıý salasyndaǵy yntymaqtastyq boıynsha kelisim;

Qazaqstan Respýblıkasynyń Úkimeti men О́zbekstan Respýblıkasynyń Úkimeti arasyndaǵy Ǵarysh keńistigin beıbit maqsattarda zertteý jáne paıdalaný salasyndaǵy yntymaqtastyq týraly kelisim;

Qazaqstan Respýblıkasynyń Úkimeti men О́zbekstan Respýblıkasynyń Úkimeti arasyndaǵy Qazaq-ózbek kedendik shekarasy arqyly qubyrjol kóligimen jáne elektr berý jelileri boıynsha energııa resýrstaryn ótkizý kezindegi birlesken kedendik baqylaý týraly kelisim;

Qazaqstan Respýblıkasynyń Syrtqy ister mınıstrligi men О́zbekstan Respýblıkasynyń Syrtqy ister mınıstrligi arasyndaǵy 2022-2023 jyldarǵa arnalǵan yntymaqtastyq baǵdarlamasy;

«Ortalyq Azııa» Halyqaralyq ónerkásip kooperasııasy ortalyǵyn qurý týraly tujyrymdama;

«Ortalyq Azııa» Halyqaralyq ónerkásip kooperasııasy ortalyǵyn qurý týraly birlesken jospar;

Túrkistan-Shymkent-Tashkent joǵary jyldamdyqtaǵy magıstraldyq qurylys jobalaryn iske asyrý boıynsha birlesken is-qımyldar jospary;

Qazaqstan Respýblıkasy Saýda jáne ıntegrasııa mınıstrligi men О́zbekstan Respýblıkasy Investısııalar jáne syrtqy saýda mınıstrligi arasyndaǵy ózara túsinistik týraly memorandým;

2021-2025 jyldarǵa arnalǵan Qyzylorda-Úshqudyq avtokólik jáne temirjol joldarynyń qurylysy jobasyn iske asyrý jónindegi birlesken is-qımyldar jospary;

Qazaqstan Respýblıkasy Energetıka mınıstrligi men О́zbekstan Respýblıkasy Energetıka mınıstrligi arasyndaǵy energetıka salasy boıynsha ózara yntymaqtastyq týraly memorandým;

Qazaqstan Respýblıkasy  Ádilet mınıstrligi men О́zbekstan Respýblıkasy Ádilet mınıstrligi arasyndaǵy sot-saraptama qyzmeti salasy boıynsha yntymaqtastyq jónindegi ózara túsinistik týraly memorandým;

Qazaqstan Respýblıkasy Eńbek jáne halyqty áleýmettik qorǵaý mınıstrligi men О́zbekstan Respýblıkasy Jumyspen qamtý jáne eńbek qatynastary mınıstrligi arasyndaǵy áleýmettik-eńbek salasy boıynsha yntymaqtastyq nıet týraly memorandým;

О́zbekstan Respýblıkasyna tikeleı jeke sheteldik ınvestısııalardy tartýdyń negizgi sharttary týraly kelisim;

Jobalardy birlesip iske asyrý máseleleri boıynsha yntymaqtastyqtyń negizgi sharttary týraly memorandým.

Sońǵy jańalyqtar

Uly dalanyń ulaǵaty

Aımaqtar • Búgin, 12:23

Elimizde taǵy 4 adamnan koronavırýs anyqtaldy

Koronavırýs • Búgin, 10:41

Ustazdyń aty ólmeıdi

Bilim • Búgin, 10:30

Karapastyń qarqyny kúshti

Sport • Búgin, 10:29

«Kaspıı» kósh bastady

Sport • Búgin, 10:27

Medısınalyq poıyzdar jolǵa shyqty

Medısına • Búgin, 10:17

Tórtinshi orynda qalyp qoıdy

Sport • Búgin, 08:59

«Jas daryn» baıqaýy ótti

Aımaqtar • Búgin, 08:58

Elıtadaǵy ornyn saqtap qaldy

Hokkeı • Búgin, 08:55

«Jasyl» ósim ornyqty damýǵa jeteleıdi

Ekologııa • Búgin, 08:52

Jarqyn beınesi jadymyzdan óshpeıdi

Qazaqstan • Búgin, 08:50

Adaldyq pen shyndyqty shyraq etti

Qazaqstan • Búgin, 08:48

Kóshelerde sý kólkimeýi úshin...

Ǵylym • Búgin, 08:44

Daıyndyq jumystary júrip jatyr

Referendým-2022 • Búgin, 08:35

Jastar jaýapty tańdaý jasaýǵa daıyn

Referendým-2022 • Búgin, 08:30

Bul – ózekti máseleni birlesip sheshý joly

Referendým-2022 • Búgin, 08:28

Halyq pen bıliktiń úılesimi

Referendým-2022 • Búgin, 08:25

Bolashaq zańgerlermen kezdesti

Referendým-2022 • Búgin, 08:18

Uqsas jańalyqtar