Aımaqtar • 06 Jeltoqsan, 2021

Mı ınsýltin 10-aq mınýtta anyqtaıdy

142 ret kórsetildi

Shymkent qalasyndaǵy №2 aýrýhanada mı ınsýltin dıagnostıkalaıtyn jasandy ıntellekt júıesi iske qosyldy. Jańa tehnologııalyq ádis ınsýlt aýrýyn 10 mınýt ishinde anyqtaýǵa múmkindik beredi, dep habarlaıdy Egemen.kz.

Shymkent qalasynyń №2 aýrýhana bazasynda «CEREBRA» jobasynyń tanystyrylymy ótti. Is-shara barysynda jańa júıeniń búgingi medısına salasyndaǵy mańyzdylyǵy túsindirildi. Jańa joba arqyly dárigerler ınsýltty erte deńgeıde anyqtap, birden ıshemııaǵa ushyraǵan aımaqty bilýge, ýaqytynda emdeýge kirisýge, qajetti ota jasaýǵa qarsy kórsetilimniń bar-joǵyn anyqtaý men emdeý sharalaryn der kezinde jasaı alady.

Medısına mamandarynyń aıtýynsha, ınsýlttyń der kezinde anyqtalmaýyna kóbine adamı faktor áser etedi. Al «CEREBRA» jobasy ınsýltty 10 mınýt ishinde anyqtaýǵa jáne ınsýlt ıadrosyndaǵy tinderdiń tyǵyzdyǵynyń ózgerýin esepteýge járdemdesedi.

Búginde atalmysh jobaǵa 6 qala men 8 ınsýlttyq ortalyq qosylǵan. Aldaǵy ýaqytta jasandy ıntellekt nevrologııada da qoldanylatyn bolady.

Resmı málimetterge súıensek, elimizde jyl saıyn 40 myńnan astam adam ınsýltten zardap shegedi. Jyl ótken saıyn aýrýdyń túri jasaryp keledi. Medısına mamandary elimizde ınsýlt dertiniń aldyn alý úshin erte dıagnoz qoıyp, naýqastardyń emdelýge qoljetimdiligin arttyrý baǵytyndaǵy sharalardy arttyrý qajet ekenin aıtady.

1

Sońǵy jańalyqtar

Uqsas jańalyqtar