Qazaqstan • 06 Jeltoqsan, 2021

Qazaqstan Parıj kezdesýiniń qorytyndylaryn quptaıdy – SIM

55 ret kórsetildi

Qazaqstan Respýblıkasy Iаdrolyq qarýdy taratpaý týraly sharttyń (IаQTSh) 10-shy Sholý konferensııasy qarsańynda 2021 jylǵy 2-3 jeltoqsanda Parıjde ótken IаQTSh boıynsha bes ıadrolyq memleketter konferensııasynyń qorytyndylaryn quptaıdy, dep habarlaıdy Egemen.kz SIM-ge silteme jasap.

Qazaqstan ıadrolyq qarýsyzdaný men ıadrolyq qarýdy taratpaýdyń jahandyq rejımin nyǵaıtýdyń dáıekti jaqtaýshysy bola otyryp, IаQTSh-ty ámbebaptandyrýdy jáne onyń erejelerin barlyq qatysýshy memleketterdiń múltiksiz oryndaýyn qoldaıdy. Sholý konferensııasyn nátıjeli ótkizý maqsatynda ashyq, ınklıýzıvti jáne transparentti dıalogty qamtamasyz etý qajettiligin ustanady.

«IаQTSh sheńberindegi ıadrolyq memleketterdiń erekshe mártebesi men jaýapkershiligin nazarǵa ala otyryp, ıadrolyq «bestik» Parıj kezdesýiniń qorytyndylaryn joǵary baǵalaımyz. Atap aıtqanda, taraptardyń ózderiniń ıadrolyq doktrınalaryndaǵy jáne ıadrolyq saıasatyndaǵy jańartýlar týraly aqparattyń almasýyn qosa alǵanda ıadrolyq qaqtyǵystar qaýpin azaıtý jónindegi sharalardy, ıadrolyq memleketterdiń ıadrolyq synaqtarǵa jappaı tyıym salý týraly sharttyń (IаSJTSSh) kúshine ený mańyzdylyǵyn talqylaýyn, sondaı-aq konferensııa qatysýshylarynyń eshbireýdiń qaýipsizdigine zııan keltirmeı ıadrolyq qarýdan azat aımaq qurý jónindegi túpki maqsatty qoldaýyn rastaǵanyn oń baǵalaımyz.

Qazaqstan ıadrolyq qarýdan azat aımaqtardyń maqsattaryna beıildiligine qosylady jáne Ortalyq Azııada ıadrolyq qarýdan azat aımaq týraly shartqa Teris kepildikteri týraly hattamany ratıfıkasııalaý prosesin tez arada aıaqtaý qajettiligin eske salady.

Qazaqstan álemdik qoǵamdastyqty elimiz bastamashylyq etken IаQTSh-tyń VI babyn júzege asyrýǵa baǵyttalǵan Iаdrolyq qarýdan azat álem qurý týraly jalpyǵa ortaq deklarasııanyń erejelerin qoldaýǵa shaqyrady. Biz bul qujatty qaýipsiz bolashaqtyń jol kartasy retinde qarastyramyz», dep jazylǵan Syrtqy ister mınıstrligi taratqan habarlamada.

Sońǵy jańalyqtar

Qyzylordada esirtkige qarsy aksııa ótti

Aımaqtar • Búgin, 16:52

Almaty mańynda jer silkindi

Aımaqtar • Búgin, 16:18

Dollar 9 teńgege arzandady

Qarjy • Búgin, 16:10

Qazaqstanda qus eti qymbattady

Qoǵam • Búgin, 15:43

Munaı baǵasy 1 dollarǵa arzandady

Ekonomıka • Búgin, 12:30

Erteń Úkimet otyrysy ótedi

Úkimet • Búgin, 12:12

«Kanelo»: Golovkındi nokaýtpen jeńemin

Kásipqoı boks • Búgin, 12:08

Uqsas jańalyqtar