Pikir • 07 Jeltoqsan, 2021

Táýelsizdik – taǵylymdy ulttarǵa tartý

73 ret kórsetildi

Elbasynyń «Táýelsizdik taǵylymy» atty maqalasyn oqyp otyryp, eń aldymen qazaq tiliniń ulylyǵyna, sózdik qorynyń baılyǵyna, qýaty men qarymyna súısinesiń. Tuńǵysh Prezıdentimiz maqalasynyń óne boıy ónegeli, ulaǵatty, qanatty sózderge toly. «Yntymaǵy jarasqan eldiń tabysy tasyp, abyroıy asady. Berekesi qashqan eldiń qýaty kemip, quty qashady» deıdi N.Nazarbaev.

«Arǵyda saq, ǵun babalarymyz, beride qaharman túrik atalarymyz alasapyran zamandardaǵy alaquıyn daýyldarǵa tótep berip, Uly dalada ulyq ulys qurdy. Talaı jurt alapat soǵystar men arpalysqan aıqastarda údere kóship, bordaı tozyp, tastaı úgilip, qumdaı shaıylyp ketken zamandarda qazaqtar túrik jurtynyń ataqonysyn, qara shańyraǵyn saqtap qaldy», dep tolǵaıdy Elbasy.

«Men boıymdaǵy qýat, qyzmetimde tá­ji­rı­be, oıymdaǵy nár – bári-bárin hal­qy­ma qyzmet etýge jumsap kelemin» deı­­di ol. «Eńbek et, otbasyńdy asyra, eli­ńe qyzmet qyl: óziń de tabysty bo­la­­­syń, Otanyńnyń da qýaty artady», dep jas­tarǵa úndeý jasady N.Nazarbaev.

«Táýelsizdik te baqyt sııaqty, baǵa­la­ǵan adamnyń, aıalaǵan qoǵamnyń qolyna turaqtaıdy», dep halqyna ósıet etedi Elbasy. Estir qulaq, túsiner sana úshin naǵyz ataly sózder.

Osy bir maqalada Qazaq eliniń azat­tyq jolyndaǵy kúresi, Táýel­siz­diktiń otyz jylyndaǵy jeńisteri men jetistikteri, Máńgilik el qurý jolyndaǵy bolashaq mindet-murat­tarymyz kórinis tapqan.

Memlekettiligin jańadan qurǵan Qazaq eliniń baǵy baryn moıyndaýymyz kerek. Onyń Tuńǵysh Prezıdenti – hal­qy­myzdyń rýhanı qundylyqtaryn boıy­na sińirgen, ultymyzdyń izgi qa­sıet­teri daryǵan Uly dalanyń tól ula­ny. Ol «úlkennen aqyl tos, kishiden izet kút, adasqanǵa – jol, kemtarǵa – qol, súrin­genge – súıeý, demikkenge de­meý bol» deıtin qazaqy tárbıemen ósti, is-áre­ke­tinde sony basshylyqqa al­dy. Taý­qy­metti sonshama kóp tartqan taǵ­dy­ry aıanyshty halqyna qalqan, jan dú­nı­e­si darqan bolyp qalyptasty. Eger bas­­qasha, biliksiz kóshbasshy bolǵanda, búgin qazaq eńsesin tikteı almaı, tipti azat­­ty­ǵyna qaıta zar bolyp otyrýy múmkin edi.

Meni taǵy bir jaıt súısindiredi. Álemdegi túrli memlekette bılik­ti basqaǵa bermeý úshin oǵan kene­deı jabysyp, kórshilerine de, óz hal­qy­na da qısapsyz qysastyq jasap, lań sal­ǵan bıleýshiler bar. Al Nursul­tan Ábishuly qazaqqa tán danalyq, kóregendik pen qanaǵatshyldyq tanytty.

«Osydan eki jarym jyl buryn elimizde prezıdenttik bılik aýys­ty. Maǵan: «Ata Zańymyzda Sizge esh­qan­daı shekteý joq. Sońǵy saılaýda halyqtyń 98%-ǵa jýyǵynyń qoldaýy­na ıe boldyńyz. Qyzmetińizdi atqara berińiz» deýshiler az bolǵan joq. Biraq ár nárse óz retimen bolýy kerek»,  deıdi N.Nazarbaev.

Búgin Elbasymyz kezekti ret eldik­tiń basty qaǵıdatyn tujyrymdap berdi: «Prezıdent aýysady, biraq Táýel­sizdik máńgilik bolýy kerek!».

Qazaqstannyń árbir azamaty alda­ǵy ýaqytta onyń tuǵyryn bekemdep, mereıin tasytyp, abyroıyn asyrý­ǵa qyzmet etýge tıis. Máńgilik el ıdeıasy­nyń túpki maqsaty da osynda.

 

Baqytbek SMAǴUL,

Nur Otan fraksııasynyń múshesi, Májilis depýtaty

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar