Taraz qalasynda «Invataksı» qyzmeti 2016 jyldan bastap qyzmet kórsetip keledi. Buǵan deıin múmkindigi shekteýli jandardy 6 kólik tasymaldasa, endi olardyń qatary taǵy 2 kólikpen tolyqty. «Invataksı» jolaýshylardy baratyn jerine deıin tegin tasymaldaıdy. О́z sózinde oblys ákimi aldaǵy ýaqytta da erekshe qajettilikteri bar azamattardy áleýmettik qoldaý jumystary jalǵasatynyn aıtty. Sonymen qatar árbir memlekettiń, árbir azamattyń eń negizgi maqsattarynyń biri az qamtylǵan, kópbalaly, múmkindigi shekteýli adamdarǵa qoldaý kórsetip, kómektesý ekenin jetkizdi.
«Bizdiń memleketimiz 30 jyldyń ishinde qımyldaý qabileti shekteýli azamattarǵa qoldaý bildirip keledi. Elimizdiń Tuńǵysh Prezıdenti Nursultan Nazarbaev egemendik alǵan kúnnen bastap eń birinshi osyndaı jandarǵa kómektesip, barynsha qoldaý kerektigin aıtqan bolatyn. Barlyǵy tolyǵymen oryndaldy dep aıta almaımyz. Degenmen, máseleler retimen sheshilip keledi. Osyndaǵy ıppoterapııa ortalyǵyn kelesi jyly bitirip, el ıgiligine beremiz. Ásirese balalar men jastardyń aıaqqa turyp, qadamdaryn nyq basýyna sebepshi bolsaq degen maqsatymyz bar. Qazir bul ortalyqqa 45-ke jýyq bala kelip, em alyp júr eken. Ǵımarat tolyq ashylǵan soń, balalar qatary kóbeıedi», dedi B.Saparbaev.
Erekshe qajettiligi bar jandardy tasymaldaýǵa arnalǵan JAC Sunray markaly kóliginiń ishinde arbalarǵa arnalǵan 300 kıloǵa deıingi salmaqqa eseptelgen arnaıy kótergish ornatylǵan. Alty jolaýshy orny jáne eki arbaǵa arnalǵan oryn bar.
Saltanatty sharada «Asar» zańdy tulǵalar birlestiginiń basshysy Rýslan Tólegenov sóz alyp, oblys basshylyǵyna alǵysyn bildirdi. «Áleýmettik salada memlekettik qoldaýdyń jyl saıyn artyp kele jatqany belgili. Táýelsizdik merekesi qarsańynda taǵy bir ıgilikke kenelip otyrǵanymyz sonyń aıǵaǵy. Bizdiń barlyq bastamalarymyz oblys ákimi tarapynan qoldaý tabýda. Bul úshin rızashylyǵymyzdy bildiremiz», dedi ol.
Sonymen qatar ortalyqta qyzmet alýshylardyń ata-analary da rızashylyqtaryn jetkizdi. «Bul biz úshin óte qýanyshty jaǵdaı. О́zimiz sekildi erekshe balalary bar ata-analarǵa úlken kómek. Osyndaı múmkindik berip, jaǵdaı jasaǵan oblys basshylyǵyna ata-analardyń atynan úlken rahmetimdi aıtamyn», dedi Láılá Rahmanbekqyzy.
Budan keıin oblys ákimi ońaltý ortalyǵyna qarasty ǵımarat pen sport alańyn, tirek-qımyl apparaty jáne sal aýrýyna shaldyqqan adamdardy atqa mingizip emdeýge arnalǵan nysannyń qurylysyn aralap, atqarylyp jatqan jumystardyń barysymen tanysty.
