Pikir • 07 Jeltoqsan, 2021

Tulǵa taǵylymy hám táýelsizdik tolǵaýy

7879 ret kórsetildi

Táýelsizdiktiń ordaly otyzjyl­dyq bele­sinde elimizdiń ár azamaty bostan­dyq­tyń qadir-parqy týraly, álemdik qaýym­das­tyqta aıshyqty oryn alǵan áleýet­ti de qýatty memleketimizdiń qoǵa­my­myz­dyń ár múshesine tıgizgen shapaǵaty men sharapaty jaıynda oı-tebireniske berilip, bir sát tolǵanysta júrýi tabıǵı jaıt. О́ıt­ke­ni árkimniń azattyqtyń araıly tańy, aspan tústes alyp kók týymyzdyń saıasy jaıynda aıtar oıy, sabaqtar syry bar. Áıt­kenmen osy bir tarıhı mezgilde qara orman halqymyz ańsaǵan araıly azat­tyqty súıinshilep jarııalap, táýelsiz memleketimizdiń irgetasyn qalaǵan azattyq arhıtektory, Elbasy N.Nazarbaevtyń aqjarma lebizin bilgisi keletini anyq. О́ıtkeni Elbasy táýelsizdikti jarııalap qana qoımaı «otyz jyl boıy halqyn qanat­tyǵa qaqtyrmaı, tumsyqtyǵa sho­qyt­tyrmaı, qaırańǵa qaldyrmaı, qa­tar­ǵa qosqan» tuǵyrly tulǵa ekeni ámbege aıan.

Bul maqala ǵasyrlarǵa jalǵasqan bo­dan­dyq buǵaýyn úzip, órkenıetti álemniń qataryna qosylǵan qazynaly qazaq eliniń tarlan tarıhyn tereń tanýǵa, ult úshin qurban bolǵan babalardyń erligin umytpaı qas­terleýge, táýelsizdiktiń qadyr-qasıetin baǵa­laýǵa, tatýlyq pen kelisimniń besigi bol­ǵan otanymyzdy aıalap, eren eńbek arqy­ly táýelsizdikti nyǵaıtýǵa qajyr-qaı­rat arnaý paryz ekenin bolashaq ur­paq­qa ama­nat etýimen ǵıbratty. О́ıtkeni Elbasy táýel­si­z­diktiń qandaı qurbandyqpen, tózim, qaırat, parasatty kúrespen kelgendigin barshamyzdan artyq biletin, názik sezingen, eń aldymen uıymdastyrǵan – uly oqıǵanyń bas kýágeri. Sol sebepti ótkenimiz týraly derekti tolǵaý, bolashaq jaıynda abyzdyq boljaý sı­pa­tyndaǵy syrly jazbasy almaǵaıyp dáýir­de beı­bit júzege asqan el táýelsizdiginiń taǵy­lym­­dy fılosofııasyn nanymdy asha túsýimen ba­ǵaly.

Altaıdan Atyraýǵa deıingi keń-baıtaq jerimizdiń shejireli tarıhyna júırik Elbasy bul joly da tamyrymyz ben tanymymyzdyń arqaýy ǵasyrlar kerýeninen jeli tartatyn tekti el ekenimizdi qaıyra aıǵaqtap «Arǵyda saq, ǵun babalarymyz, beride qaharman tú­rik atalarymyz alasapyran zamandardaǵy ala­qu­ıyn daýyldarǵa tótep berip, Uly dalada ulyq ulys qurdy... Bizdiń jurt – tamyryn jeti qat jer astyna jibergen alyp báıterekteı óziniń kúsh-qýatyn ǵasyrlar boıy Uly dala tósinen alǵan baıyrǵy halyq», dep tarıhı qundylyqtarǵa degen iltıpatyn baıan etti.

Ulan-ǵaıyr atamekenniń táýelsizdigi týra­ly oı túıgen Tuńǵysh Prezıdent «Jalpy uzyndyǵy 14 myń shaqyrymdyq bizdiń sheka­ra­myzdyń barlyq boılyǵyna qatysty syndarly kelissózder úderisin uıymdastyrý ońaı mindet bolǵan joq... Solaısha, babalar amanatyn oryndaý úshin jáne kúnderdiń kúninde óz urpaǵymyzdyń aldynan budan da aýyr qıyndyqtar shyqpaýy úshin túıtkilder men kedergilerdiń bárin eńserip, qolǵa alyn­ǵan isti aqyryna deıin jetkizdik», dep qas­terli Ota­nymyzdyń shekarasyn kózdiń qara­shy­ǵyn­daı aıalaýdy urpaqqa ósıet etedi.

О́tken ǵasyrdaǵy dúrbeleń men ashar­shy­lyq­tyń eki birdeı tolqyny, bol­shevıkterdiń surqııa saıasaty, atom ajdahasynyń synaǵy, Aral apaty sekildi túrli zobalań saldarynan bolǵan ulttyq demografııalyq qul­dy­raý­dyń qasiretin kúızelip eske alǵan Elbasy «Keıde oılaımyn: qazaq degen ne degen tózimdi halyq?! Kónbeske kónip, shydamasqa shydaǵan. Bolashaǵy buldyr bolǵan kúnniń ózinde saǵyn syndyrmaı, keleshekten úmitin úz­be­gen. Qıyndyq ataýlyǵa qasqaıa qarsy turyp, úzdiksiz alǵa jyljyǵan», dep qaısar halqynyń qıynshylyq ataýlyny qyńq etpeı jeńe biletin nar minezine tańdanysy men súıingenin bildiredi.

Bodandyqtyń shyrmaýynda borkemik kúı keshken keńestik kezeńdi Elbasy «Sosıa­lızm­niń artyqshylyǵyn da, kemshiligin de kórdik. Bir sózben aıtqanda, Keńes Odaǵy quramynda bolǵan jetpis jyldyqtyń nátıjesi bizdiń eldiń paıdasyna sheshilgen joq», dep kesimdi qorytyndy jasaıdy. О́ıtkeni eko­no­mı­­kasy shıkizatqa tańylyp kúıregen, etnostyq tutastyǵy joq, demografııasy áljýaz, shekarasy ashyq-shashyq, ekologııalyq apatqa ushyrap, áleýmettik kúızeliske dýshar bolǵan túıtkildi eldi Keńes Odaǵynan mura etip alǵany shyndyq. Odaqtas res­pýb­lıkalardyń birazynda ultaralyq qaq­ty­ǵystar órship, tipti azamattyq soǵys órti tutanyp jatqan sol kezderi keıbir saıası sáýegeılerdiń «Qazaqstan – Orta Azııanyń Balqany bolady» degen boljamyn jańyldyrǵan Elbasy egemen elimizdi eńseli mem­leketke aınaldyrdy, Esildiń boıyna óz qol­tańbasymen jańa astanamyzdy ajarlandyrdy.

El tizginin eń senimdi serigine amanat­ta­ǵanyn aıtqan Elbasynyń táý eter Táýel­si­z­digimizdi nyǵaıtyp, ardaq­tap aıalaýǵa ún­degen maqalasy «Táýelsizdik te baqyt sııaqty, ba­ǵa­laǵan adamnyń, aıalaǵan qoǵam­nyń qo­ly­na turaqtaıdy. Halqy tatý, eko­nomıkasy qýat­ty, saıası júıesi turaqty, mártebesi bıik, aby­roıy asqaq Qazaqstannyń bolashaǵy ke­she­giden kemel, búgingiden nurly ekendigine kámil senemin» dep tujyrymdalyp, abyzdyq ósıetpen aıaqtalýy da oqyrmanǵa oı salady.

Sońǵy jańalyqtar

Ulttyq bolmysty bederlegen

Qoǵam • Keshe

Esimnen ketpes eki etıýd

Rýhanııat • Keshe

Besinshi element

О́ner • Keshe

Aqadyrdyń aqjoltaıy

Sport • Keshe

Qara qazanda qasıet bar

О́ner • Keshe

Uqsas jańalyqtar