Qazaqstan • 09 Jeltoqsan, 2021

Qazaqstan men Meksıkanyń yntymaqtastyǵy nyǵaıady

62 ret kórsetildi

Qazaqstan men Meksıka arasynda beınekonferensııa rejıminde saıası konsýltasııalar ótkizildi, dep habarlaıdy Egemen.kz QR SIM baspasóz qyzmetine silteme jasap.

Is-sharaǵa QR Syrtqy ister mınıstrligi Amerıka departamentiniń dırektory Nurǵalı Arystanov pen Meksıka Syrtqy ister mınıstrligi Afrıka, Ortalyq Azııa jáne Taıaý Shyǵys departamentiniń bas dırektory Amparo Erendıra Angıano Rodrıges qatysty.

Taraptar eki el arasyndaǵy qarym-qatynastardyń kún tártibin, onyń ishinde saıası, saýda-ekonomıkalyq jáne mádenı-gýmanıtarlyq yntymaqtastyqty, shart-quqyqtyq bazany keńeıtý máselelerin ortaǵa saldy.

«Meksıka - Qazaqstannyń Latyn Amerıkadaǵy eń iri seriktesteriniń biri. Biz Meksıkamen ornatylǵan seriktestikti dostyq, ózara qurmet jáne senim rýhynda odan ári tereńdetýge nıettimiz», dedi Nurǵalı Arystanov óz sózinde.

Bıyl eki el arasyndaǵy taýar aınalymy joǵary dınamıkany kórsetip, 2020 jylǵy kórsetkishtermen salystyrǵanda eki esege ósken.

Beınekonferensııa qorytyndysy boıynsha qos tarap jemisti yntymaqtastyqty odan ári jalǵastyrý baǵytynda jumys isteıtinderin aıtty.

1

Sońǵy jańalyqtar

Uqsas jańalyqtar