Qazaqstan • 10 Jeltoqsan, 2021

Tuǵyrly tulǵa taǵylymy

67 ret kórsetildi

Elbasy N.Nazarbaevtyń Táýelsizdiktiń 30 jyldyǵyna arnaǵan maqalasyn tushyna oqyp shyqtym. Jazylǵan dúnıeni keń aýqymdy túrde qazaq tarıhymen astastyra otyryp kóz aldyma elestettim. Shyndyǵynda da yqylym zamannan beri dúnıeniń nebir arpalysymen, nebir zar zamanynda jeri men elin, tili men dinin saqtap qalǵan babalarymyz netken rýhy bıik qaısar jandar edi.

Elbasymyz aıtyp kórset­ken­deı, sol qıyn­dyq ataýlyǵa qasqaıa qarsy turyp, úz­dik­siz alǵa jyljyǵan olardyń qaısar rýhy ekeni sózsiz.

Shyndyǵynda da, álemdi jaılaǵan soǵys órtterinde, basqa túsken zobalań kezeń­derde ultymyzdyń aıtýly tulǵalary hal­q­yna bas bolyp, birliktiń tutqasyn us­tap, ultty aman alyp qalǵany aıdaı anyq. Sonyń arqasynda Uly dala­ny saq­tap, búgingi Táýelsizdikke qol jetkizdik.

Egemendik alǵan jyldary da aıaqtan tik turyp ketý ońaıǵa soqqan joq. Sol qıyn kezeńderde halqyn qanattyǵa qaq­tyr­maı, tumsyqtyǵa shoq­tyr­maı, qaırańǵa qaldyr­maı álemdik órkenıettiń aldyńǵy shebine qosqan Tuńǵysh Prezı­dentimizdiń eńbegi eresen. «Bolashaq» baǵdarlamasy arqy­ly «Álemdik ǵylym men máde­nıettiń eń úzdik jetistik­terin meńgergen jańa urpaq qa­lyptastyrýda» kemeńger­lik­pen jol ashqan Elbasy ekeni sózsiz.

Kóregen kóshbasshy tek Qazaqstan hal­qynyń aldynda ǵana emes, álem halqy­nyń aldynda da bedeli óte bıik saıasatker ekenine maqtanamyz. Álemde eń birinshi bolyp atom synaq alańyn joıǵan, Arqa tósinde álemdegi eń ádemi as­tana Nur-Sultan qalasyn sal­dyrǵan Tuńǵysh Prezıdent N.Á.Nazarbaevtyń kemel saıasaty ómirsheń bolǵanyn tarıh betterinde altyn áriptermen jazylyp qoıdy.

Saralap aıta bersek, sa­ıyp­qyran saıa­sat­ker tulǵa – Elbasynyń eńbegi ege­men­dik úshin erekshe. Ol jasaǵan saıa­sı, ekono­mıkalyq reforma­lar, rýhanı jań­ǵyrý, ınfra­qurylymdyq damý, ulttyq teńgeni aınalymǵa engizý, munyń bári Táýel­sizdigimizdi tuǵyrly etý jolynda Elbasy atqarǵan qadaý-qadaý sony qadamdar bolatyn. Bul ıgi isterdiń qatarynda sondaı-aq dúnıe júzine tarydaı shashylǵan mıllıonnan astam qandasty qaıtarý isin de aıryqsha atap ketkenimiz jón.

Bir sózben aıtqanda, Táýel­sizdikke tuǵyr bolǵan tulǵa retinde Elbasy eńbegi qazaq úshin árqashan umytylmaq emes.

 

Keńes JUMABEKOV,

Memlekettik syılyqtyń laýreaty, akter-dramatýrg

Sońǵy jańalyqtar

Jem-shóp daqyldarynyń alqaby uǵaıtyldy

Qazaqstan • Búgin, 12:30

Brent markaly munaı baǵasy ósti

Ekonomıka • Búgin, 09:19

Almatydaǵy alyp mýral

Aımaqtar • Búgin, 09:15

Seısenbige arnalǵan aýa raıy boljamy

Aýa raıy • Búgin, 09:09

Týrnırdiń shırek fınalyna shyqty

Tennıs • Búgin, 09:07

Fransııadan da jeńildi

Hokkeı • Búgin, 09:05

«Astana opera» – álem nazarynda

Teatr • Búgin, 09:00

Uqsas jańalyqtar