Ol suhbat barysynda 2011 jylǵy álem chempıonatynyń fınalynda ázerbaıjandyq boksshydan jeńilýi úshin beımálim bireýler 300 myń AQSh dollaryn usynǵanyn aıtty.
«Iá, Bakýde ótken álem chempıonatynyń fınalynda jergilikti boksshy Teımýr Mamedovpen jolym túıisti. Sol kezde jergilikti boksshynyń álem chempıony atanǵanyn qalaıtyndar maǵan jeńilýim úshin 300 myń AQSh dollaryn usyndy. Bul usynysqa birden qarsy ekenimdi aıttym.
Osy jaǵdaı maǵan fınaldyq jekpe-jekte áser etti me? Men endi sol qarjyny úsh tóreshige beretin shyǵar, olar ózderiniń las jumysyn atqaratyn bolar dep topshyladym. Sharshy alańǵa qarsylasyma joıqyn soqqylarymdy darytýym kerek degen oımen kóterildim. Josparym júzege asyp, olar meni aıaqtan shala almady», dedi boksshy óz oıyn túıindep.
