Taratylǵan aqparatqa qaraǵanda О́zbekstan Prezıdenti Shavkat Mırzııoev beıindi vedomstvolarǵa osyǵan qatysty naqty tapsyrma júktegen.
О́zbekstan Prezıdentiniń atap ótýinshe, Tashkentte, Samarqand pen Buqarada tax free júıesin engizý, sonymen qatar qalalarda Duty Free dúkenderin ashý arqyly jeke saýda-sattyq kólemin eki-úsh ese arttyrýǵa bolady.
«Tolyqtaı alǵanda, sheteldik qonaqtardyń satyp alǵan zattaryna qosylǵan qun salyǵyn qaıtarý júıesin barlyq týrıstik qalalarda engizý qajet. Osy úsh qalanyń mysalynda kórsetilgen múmkinshilikter barlyq oblys ortalyqtary men iri qalalar úshin ózekti», dedi Shavkat Mırzııoev.
Aıta keteıik, О́zbekstanda sheteldikterdiń satyp alǵan zatyna qosylǵan qun salyǵynyń somasyn qaıtarý júıesin engizý týraly jospar 2019 jyly kóterilgen bolatyn.
О́zbekstan Qarjy mınıstrligi atalǵan júıeni 2020 jyldyń 1 shildesinen engizýdi kózdegen edi. Alaıda koronavırýs pandemııasyna baılanysty ony engizý merzimi keıinge shegerilgen.
