Qos tarap Qazaqstan-Rýmyn yntymaqtastyǵynyń serpindi sıpatyn atap, barlyq saladaǵy áriptestikti nyǵaıtý nıetterin bildirdi.
Májilis spıkeri Qazaqstannyń Tuńǵysh Prezıdenti - Elbasy Nursultan Nazarbaevtyń bizdiń elimiz ben Rýmynııa arasyndaǵy qarym-qatynastardyń qalyptasýy men damýyndaǵy negizgi rólin atap, Memleket basshysy Qasym-Jomart Toqaevtyń ekijaqty yntymaqtastyqty barynsha jalǵastyryp kele jatqanyn jetkizdi.
«Qazaqstan - Rýmynııa úshin mańyzdy seriktes. Bizde eki eldiń múddesi úshin ózara is-qımyldy damytý baǵyttarynyń keń aýqymy bar», dedi Rýmynııa Senatynyń vıse-spıkeri Alına-Shtefanııa Gorgıý.
Perspektıvaly baǵyttar arasynda saýda-ekonomıkalyq yntymaqtastyq, aýyl sharýashylyǵy, ekologııa, jeńil jáne tamaq ónerkásibi salalary atap ótildi. Nurlan Nyǵmatýlın qazaqstandyq jáne rýmyn parlamentshileriniń birlesken jumysynyń jandanýy zań shyǵarý qyzmetiniń tájirıbesimen almasýǵa, sondaı-aq parlamentaralyq uıymdar sheńberinde neǵurlym tyǵyz ózara is-qımyl jasaýǵa yqpal etetinine senim bildirdi.
Májilis Spıkeri atap ótkendeı, qazirgi ýaqytta qazaqstandyq depýtattar el Prezıdentiniń saıası reformalaryn qoldaý úshin zańnamalyq bazany qurý, ónerkásiptik saıasat, bıologııalyq qaýipsizdik jáne basqa da salalardaǵy zańnamany jetildirý jumystaryn jalǵastyryp keledi.
