Bul týraly TASS aqparat agenttigi málim etti.
«Dostastyq juldyzdary» - TMD-nyń gýmanıtarlyq saladaǵy joǵary jetistikteri úshin beriletin marapat. Onyń ıegerleriniń arasynda MMHQI rektory, Reseı Ǵylym akademııasynyń akademıgi Anatolıı Torkýnov, Reseı-armıan ýnıversıtetiniń rektory Armen Darbınıan (Armenııa), fızık ǵalymdardyń avtorlyq ujymy: Aleksandr Týzıkov, Sergeı Zolotoı jáne Sergeı Korenıako (Belarýs), Astrofızıka ınstıtýtynyń dırektory Gúlchehra Kohırova (Tájikstan), ulttyq ǵylym akademııalarynyń prezıdentteri Murat Jumataev (Qyrǵyzstan) jáne Ion Tıgınıaný (Moldavııa). Sondaı-aq, syılyq ıegerleriniń arasynda Qazaqstan jazýshysy Oljas Súleımenov, Ázerbaıjan opera ánshisi Elchın Ázızov jáne О́zbekstannyń estrada-sımfonııalyq orkestriniń jetekshisi Mansur Tashmatov bar.
Saltanatty rásimde sondaı-aq ózderin gýmanıtarlyq salada tanytqan jastarǵa arnalǵan «Debıýtter dostastyǵy» syılyǵy da berildi. Atalǵan syılyq TMD-da Uly Otan soǵysyndaǵy Jeńistiń 75-jyldyǵy bolyp jarııalanǵan 2020 jyldyń qorytyndylary boıynsha tabystaldy.
Syılyq ıegerleriniń arasynda «Joǵary ekonomıka mektebi» ulttyq zertteý ýnıversıtetiniń qyzmetkeri, Smolensk memlekettik ýnıversıteti kafedrasynyń oqytýshysy Anton Azarenkov, oqytýshylar Zaýr Mámedov (Ázerbaıjan), Armen Aıvazıan (Armenııa), tilshi Ekaterına Myslıves (Belarýs), sýretshi Almas Nurǵojaev (Qazaqstan), A.Maldybaev atyndaǵy Ulttyq akademııalyq opera jáne balet teatrynyń solısti Farýh Sadyrqulov (Qyrǵyzstan), «Orys tarıhı-patrıottyq klýby» qoǵamdyq uıymynyń jetekshisi Alekseı Petrovıch (Moldavııa), Tájikstan Ulttyq murajaıy ekskýrsııalyq bólimi bastyǵynyń orynbasary Mýmınpýr Mýbırhonı, О́zbekstan Qarýly kúshteri murajaıynyń jetekshi ǵylymı qyzmetkeri Barno Isahova bar. Shara aralas formatta ótti, rásimge RF prezıdentiniń arnaıy ókili Shvydkoı, Ázerbaıjan Elshisi Bıýlbıýl oǵly jáne Gýmanıtarlyq yntymaqtastyq memleketaralyq qorynyń atqarýshy dırektory Anatolıı Iksanov qatysty, al laýreattar beınebaılanysqa shyqqan.
Syılyqtardyń tabystalý rásimine TMD Jastar sımfonııalyq orkestri arnaıy konserttik baǵdarlamasyn daıyndady. Syılyq laýrettaryna arnaıy dıplom, qurmet belgisi men kýálik tabystalady. Syılyqtyń aqshalaı balamasy 2 mln reseılik rýbldi quraıdy.
