“CHEVROLET CRUZE” KONVEIERDEN ShYQTY

Qazaqstandaǵy tuńǵysh avtokó­lik­ter qurastyratyn “Azııa-Avto” zaýy­ty 2003 jyly Elbasy Nursultan Nazar­baev­tyń qol­daýymen, ınvestısııa tartý nátıjesinde  ashylǵan edi. 7 jyldyń ishin­de kásip­orynnan kólikterdiń “Volkswagen Group”, “General Motors”, “Renault-Nissan-AvtoVAZ” jáne “KIA Motors”, “Skoda” (Octavia, Octavia Tour, Su­perb), “Chevrolet” (Captiva, Epica, La­cettti), Lada 4x4 túrleri shyǵaryldy. Ús­timizdegi jyldyń II toqsanynan bas­tap “KIA” Sorento, Mohave jáne Cerato túr­leri óz tutynýshylaryna jol tartpaq. 6 mamyr kúni kóliktiń jańa túri “Chevrolet Cruze-niń” tusaýy kesildi. Shyǵys Qazaqstan oblysynyń ákimi Berdibek Saparbaev jańa kóliktiń shyǵýyna baılanysty saltanatty jıynda sóz aldy. – Biz uzaq jyldardan beri “Azııa Avto” zaýytymen birge yntymaqpen jumys istep, qazaqstandyq kólik ın­dýs­trııasyn damytýǵa eleýli úles qo­syp kele jatqan “General Motors” kom­panııasy basshylaryna alǵysy­myz­dy aıtamyz. Indýstrııalyq-ın­novasııalyq damý baǵdarlamasyna sáıkes Elbasy qoldaý jasap, atal­mysh zaýyttyń damýyna mol qarjy bó­linip otyr. Aldaǵy ýaqytta Qa­zaq­stannyń derbes avtokólik zaýytyn salý úshin Ertis ózeniniń sol jaǵa­laýynan 50 ga jer bólip berdik, – dedi óńir basshysy. – Úsh memlekettiń Keden oda­ǵy­na enýine baılanysty kásiporynnyń jańa kólikteri Belarýs, Reseıge de jóneltilmek. Jańa markaly kólik janar­maıdy az jaǵady. Onda júr­gizý­shi úshin barlyq jaǵdaı jasalǵan. Kó­liktiń baǵasy  16100 dollar shama­syn­da. Qazaqstannyń barlyq oblys or­ta­lyqtarynda “Bıpek Avtonyń” kólik saýdalaıtyn fılıaldary ju­mys istep tur. Bul jerden kez kelgen turǵyn ózine qajet tulpardy satyp ala alady, – dedi “Azııa Avto” AQ prezıdenti Erjan Mandıev. Ońdasyn ELÝBAI. О́SKEMEN.