Poezııa, proza, drama janrlary boıynsha shyǵarmalar qabyldanǵan baıqaýǵa bıyl 100-den asa qalamger qatysqan. Sońǵy jyldary dodaǵa Ázerbaıjan jáne Reseı elderiniń qalamgerleri de qatysýǵa nıet bildirgen. Sondaı-aq bıyl ádebı baıqaý jeńimpazyna el táýelsizdiginiń 30 jyldyǵyna oraı qosymsha syılyq ta taǵaıyndalǵan bolatyn.
Dodanyń basty júldesi «Altyn tuǵyr» belgisi óz janrynda top jarǵandardyń ishinen anyqtaldy. Atalmysh júlde «Proza» atalymynda «Sońǵy namaz» týyndysymen top jarǵan jazýshy Esbolat Aıdabosynǵa buıyrdy. Ádebı baıqaýda jeńimpaz-júldeger atanǵandardyń tizimi tómendegideı.
«Drama» nomınasııasy:
1 oryn – Yqylas Shalǵynbaı.
2 oryn – Áskerhan Hýanbaı.
3 oryn – Aqylbek Shaıahmet.
Qalıhan Ysqaq atyndaǵy arnaıy júlde ıegeri – Nurlan Sádir.
«Proza» nomınasııasy:
1 oryn – Esbolat Aıdabosyn.
2 oryn – Aızat Raqysheva.
3 oryn – Jantas Erkin.
Ábish Kekilbaev atyndaǵy arnaıy syılyq ıegeri – Qanat Ábilqaıyr.
«Poezııa» nomınasııasy:
1 oryn – Arqalyq Ámálııat.
2 oryn – Umtyl Zaryqqan.
3 oryn – Jarqyn Juparhan.
Qasym Amanjolov atyndaǵy arnaıy júlde ıegeri – Jumataı Kóksýbaı.
«Úzdik balalar shyǵarmasy» atalymy «Besaryqtaǵy kishkentaı bloger» shyǵarmasy úshin Aslan Tilegeovke buıyrdy.
