Aımaqtar • 22 Jeltoqsan, 2021

Qazaq Auyl ekokesheni ulttyq naqyshty umytpaıdy

85 ret kórsetildi

Byltyrdan beri koronavırýs pandemııasynan eń zardap shekken salanyń biri týrızm bolsa, munyń da óz qaıyry bar, aıaqtalyp kele jatqan jyldyń ekinshi toqsanynyń qorytyndysyna qarasaq, Almatydaǵy týrısterdiń jalpy sany 501,4 myńnan asyp, onyń ishinde sheteldik týrıster – 54,2 myńǵa, ishki týrıs­ter qatary 447,2 myńǵa jetken.

 

Almatyda «Medeý» vızıt-ortalyǵy ashyldy

Osy oraıda, týrızmdi damy­týǵa qatysty Almatyda sońǵy kúnderi atqarylǵan ilkimdi istiń biri – «Medeý» vızıt-ortalyǵynyń ashylýy boldy. Jeke ınves­tor júzege asyrǵan joba – qoǵam­dyq ta­maqtandyrý pýnkti, týrıstik qu­ral-jabdyqtar dúkeni men qo­ǵam­dyq ájethanasy bar týrıs­tik aq­­parattyq ortalyqty quryp berdi.

Salynǵan ınvestısııalyq qa­rajat kólemi 100 mln teńge bolatyn atalǵan vızıt-orta­lyq­tan «Ile-Alataý» ulttyq parki týraly barlyq aqparatty alýǵa bolady. Qazirdiń ózinde 50 shaqty adamǵa jumys taýyp bergen «Medeý» BSK vızıt-ortalyǵynyń jalpy alańy – 208 sharshy metr.

Oǵan qosa týrısterdiń ke­zekti talabynan shyǵyp, qaýip­sizdik pen jaılylyqty qamta­masyz etý maqsatynda Tuıyqsý shatqalynda tikushaq alańy­nyń qurylysy júrgizilip jatqanyn aıta ketý kerek. Budan basqa, spýtnık baılanysy men SOS dabyl túımele­ri bar taýly mar­shrýttardyń shal­ǵaı toraptyq ýchaskelerinde 15 taý qutqarý be­keti ornatyldy. Jáne 16 adamnan tura­tyn qut­­qarýshylar toby táýlik boıy ju­mys isteıtin 2 ar­naıy baqy­­laý-qutqarý pýnk­ti da­ıyn­dal­dy, olar taýly jerler­de ornalas­qan. Al Kim­asar shat­qalynda dabyl túı­me-­
lerin ba­qylaý júıesiniń pılot­tyq joba­sy iske qosyldy.

Eń bastysy, taýly jerlerde 1 myń shaqyrymnan astam jaıaý júrý marshrýttary sıfrlandy­ryldy, onyń 500 shaqyrymy abattandyryldy. Olardyń bar­lyǵy 2GIS jáne ViewRanger plat­­­formalarynda qoljetimdi. Bul marshrýttarda QR-kodtary bar stendterdi qosa alǵanda, bar­lyq qajetti aqparattyq derekter ornatylǵan, onda týrıster mar­shrýttyń kúrdeliligimen, onyń uzaq­tyǵymen jáne ótý ýaqy­tymen tanysa alady.

Budan basqa, Úlken jáne Kishi Almaty shatqaldarynda jyldyń sońyna deıin jalpy uzyndyǵy 179 shaqyrym bolatyn taý marshrýttaryn abattandyrý­ aıaqtalýǵa tıis. Sondaı-aq «Go­relnık», «Pros­veshenes», «Qy­zyl­saı», «Ka­zachka», «Lýnnaıa» alań­qaıynda 6 kem­pıng-aımaq qurý jumys­tary júrip jatyr.

 

Jańa qonaqúı salynady

Aldaǵy 2022 jyldyń sońyna qaraı «Medeý» qonaqúıiniń ornyna jańa qonaqúı salý josparlanyp otyrǵany belgili.

«Medeý» muz aıdynyndaǵy Medeu Park Hotel qonaqúı ınfra-­­
qurylymyn qalpyna keltirý jobasy sheteldik týrısterdi tar­týda da asa mańyzdy. Eki-úsh qabatty ǵımarattan turatyn ke­shen 2,1 ga aýmaqta salynady, birinshi qabatta 90 oryndyq qonaqúı jáne 300 oryndyq meıramhana, ekinshi qa­batta apart-otel bolady.

Eki bloktyń qonaqtaryna ar­nalǵan qonaqúıde 25 metrlik basseın, spa, konferens-zaldar, serýendeýge jáne demalýǵa arnalǵan ashyq demalys orny jaıǵasady. Jańa qonaqúı ke­shenin jobalaý barysynda qalyp­tasqan tabıǵı-sáýlettik ansambl, qorshaǵan ortany qorǵaý shara­lary, demalýshylardyń qajet­tilikteri eskerilmek.

Keshen aýmaǵynda, sondaı-aq birneshe qoǵamdyq sanıtarlyq torap, shuǵyl medısınalyq kómek kórsetý pýnkti, velo­turaq­­tar, gad­jetterdi qýat­taýǵa arnal­ǵan núk­teler jáne beıne­baqylaý júıesi qarastyrylǵan.

Ulttyq paralımpıada komı­tetimen yntymaqtastyqta ınklıý­zıvti ortany qamtamasyz etý úshin munda múmkindigi shekteýli adamdardy tasymaldaýǵa arnalǵan oryn­dar, sondaı-aq kireberis­ter men lıftilerge kedergisiz qol­jet­kizý qamtamasyz etilgen.

 Qazaq Auyl ekokesheni ulttyq naqyshta boı kóteredi

Táýelsizdik merekesi aıasynda megapolıs ákimi Baqytjan Saǵyntaev Qazaq Auyl kesheniniń qurylys barysyn qarap shyqqan bolatyn. О́ıtkeni ekologııalyq týrızmdi damytýmen qatar, baqy­laý­dyń da ózektiligi kórinip otyr.

Sonymen Qazaq Auyl ekoke­sheni ulttyq stılde Kimasar shat­qalynda salynyp jatyr. Oǵan meıramhana, 15 qonaqúı jáne is-sharalarǵa arnalǵan amfı­teatr kiredi. Joba boıynsha meıramhanany media Park Hotel qonaqúı-turǵyn úı keshenimen jáne vı­zıt-ortalyǵymen qosý kózdelgen. Vızıt-ortalyq úshin aqparattyq qyzmetter kór­se­tiletin jáne tý­rıstik jab­dyqtar satylatyn jeke úı-jaı qaras­tyrylǵan.

Qazaq Auyl jalpy alańy – 1,3 ga, úı-jaılardyń alańy – 850 sh.m., ınvestısııa kólemi – 800 mln teńge. 2022 jyly 20 jumys ornyn qurýmen ekokeshendi paıdalanýǵa berý josparlanǵan.

Joba ekologııalyq týrızmdi damytýdy eskere otyryp ázir­lendi, bul jalpy abattandy­rý­da, ýchaskeniń josparlaý qury­lymynda jáne keshen qury­lymyn quraıtyn obektilerdiń kompozısııalyq sheshiminde kóri­nis tapty.

Qoǵamdyq tártipti qamta­ma­syz etý, tótenshe jaǵdaılar týyn­daǵan kezde adamdardy kúzetý, evakýasııalaý jáne qutqarýǵa ma­mandandyrylǵan avtokóliktiń qoljetimdiligi kózdelgen.

 

ALMATY

Sońǵy jańalyqtar

8 óńirde qolaısyz meteojaǵdaı kútiledi

Aýa raıy • Búgin, 09:41

Elorda oqýshylary qashyqtan oqıdy

Qoǵam • Búgin, 09:24

El birinshiligi bastaldy

Boks • Búgin, 07:42

Dýbaıda daıyndalady

Tennıs • Búgin, 07:40

«Barys» taǵy jeńildi

Hokkeı • Búgin, 07:39

Kishkentaı qutqarýshy

Qoǵam • Búgin, 07:38

Jasandy júrek te ómirdi uzartady

Medısına • Búgin, 07:37

Kardıologter engizgen tehnologııa

Medısına • Búgin, 07:35

Kásiptik oqytýdyń tıimdiligi

Qoǵam • Búgin, 07:33

Jylý qubyryndaǵy apat

Aımaqtar • Búgin, 07:32

Muz qursanǵan Ekibastuz

Aımaqtar • Keshe

Úmit sáýlesi

Saıasat • Keshe

Ult saýlyǵy – uly baılyq

Saıasat • Keshe

Sańlaqtyń sońǵy samǵaýy

Qazaqstan • Keshe

Kitap kókjıegi keńeıip keledi

Rýhanııat • Keshe

«Kúmbirle kúıim, elimde!»

Aımaqtar • Keshe

Uqsas jańalyqtar