Konferensııaǵa qatysýshylar elordanyń basty jetistikteri, onyń 300 myńnan astam turǵyny bar shaǵyn qaladan damyǵan ınfraqurylymy bar megapolıske deıingi damýy jáne barlyq saıası-ekonomıkalyq jáne áleýmettik-mádenı prosesterdi tartý ortalyǵy týraly aıtyp berdi.
«El Táýelsizdiginiń 30 jyldyǵyn merekeleý aıasynda elordada 1000-nan astam túrli is-sharalar, onyń ishinde 300-den astam iri is-sharalar ótkizildi. Qala 30 jyldyq mereıtoıyn joǵary deńgeıde atap ótý úshin bar kúshin saldy. Elorda bilim berý, qurylys salasynda úlken jetistikterge jetti. Tek osy jyldyń ózinde 3,2 mln sharshy metrden astam turǵyn úı salyndy, bul qala úshin rekord. 15 mektep salyndy, 13 myń úlesker óz baspanalaryn aldy.
«30 ıgi is» aksııasy aıasynda muqtaj azamattarǵa áleýmettik kómek kórsetildi, atap aıtqanda, 15 myńnan astam azyq - túlik sebeti taratyldy», dedi is-sharany asha otyryp, elordanyń Ishki saıasat basqarmasynyń basshysy Dáýren Babamuratov.
Sondaı-aq, ol elordada birinshi Halyqaralyq teatr aptalyǵy ótkizilgenin, elimizdiń kórnekti qaıratkerlerine, sonyń ishinde alashordashylarǵa, Dına Nurpeıisovaǵa, Talǵat Bıgeldınovke, Ábý Nasyr ál-Farabıge jáne t.b. birqatar eskertkishter ashylǵanyn eske saldy.
Qoǵam qaıratkeri, professor Tólegen Qýanyshev jas Astananyń qalyptasý jyldaryn eske saldy.
«Búgingi taqyryp – Nur-Sultan qalasynyń damýy men jetistigi. Biraq qandaı sáttilik bolmasyn, onyń aldynda ártúrli tarıhı kezeńder bolady. Sol 1998 jyldyń jeltoqsanynda birinshi shaqyrylǵan depýtattar quramynda biz sol kezdegi Aqmola qalasyna keldik. Biz kelgende bul jerdiń tabıǵaty erekshe boldy, aqpannyń yzǵary. Ol kezde qalada eki qonaq úı bolǵan, olardyń biri biz barǵan Týrıst. Qalǵan ǵımarattar Abaı eskertkishi turǵan jerde ornalasqan. Sol kúnderi bizben birge elimizge belgili qaıratkerler keldi. Sodan keıin bir úlken jınalysta qalany damytý, ony qaı baǵytta damytý týraly másele kóterildi. Elbasy Nursultan Ábishuly Nazarbaev qalamyzdyń sol jaǵalaýǵa qaraı ósetinin aıtty. Sodan keıin ony azamattar qoldady jáne búgin biz bunyń oń sheshim bolǵanyn kórip oıyrmyz. Sebebi jer tegis, kósheler keń, úlken ǵımarattar salý úshin kóptegen múmkindikter bar», dep atap ótti Tólegen Qýanyshev.
Kezdesý barysynda Nur-Sultan qalasy ákimdigi daıyndaǵan úsh kitaptyń tusaýy kesildi. «Nur – Sultan – Táýelsizdik tumary»/»Nur-Sultan – Táýelsizdik sımvoly», «Tarıhı sheshimder, taǵdyrly belester» basylymdary jáne «El júregi - Nur-Sultan» ánder jınaǵy elordanyń qalyptasý tarıhy týraly áńgimeleıdi.
Aıta keteıik, «Nur – sultan – Táýelsizdik tumary» jáne «Nur-Sultan – Táýelsizdik sımvoly» kitaptary «Astana aqshamy» jáne «Vechernıaıa Astana» gazetterinde Táýelsizdiktiń 30 jyly ishinde jaryq kórgen materıaldar negizinde jazylǵan. Bul better arqyly elimizdiń bas qalasynyń shejiresin baıqaýǵa bolady.
