URPAQTARYMYZ UMYTPAIDY

Keshe Aqordada Prezıdent Nursultan Nazarbaev Otan qor­ǵaýshylar kúnine oraı  birqatar soǵys ardagerlerin jáne áleýet qurylymdarynyń qyzmetkerlerin Qazaqstan Respýblıkasynyń memlekettik nagradalarymen mara­pattady. Áskerı pogondardy tabys etý rásimi  rezıdensııanyń “Altyn zalynda”,  memlekettik nagradalardy tabys etý  rásimi “Mármár zalynda” ótti. “Men qazir joǵary áskerı ataq pen shenderdi tapsyrǵaly turmyn. Qazaqstan Qarýly Kúshteriniń basshylyq quramyndaǵy birneshe sardar búgin general ataǵyna ıe bolyp otyrǵanyn aıryqsha aıtqym keledi. Qarýly Kúshterimiz – búginde tatýlyqty tý etken hal­qymyzdyń berik qorǵany, táýel­sizdigimiz ben tutastyǵymyzdyń se­nimdi tiregi. Aıbyndy áskerimiz, qyraǵy qorǵaýshylarymyz bar kezde halqymyz beıbitshilik baıan­dy bolady dep senedi”, dedi El­basy áskerı jáne arnaıy shenge ıe bolǵandardy quttyqtaý kezinde. Al “Mármár zalǵa” qaz qatar qoı­yl­ǵan oryndyqtarǵa júzderi bal-bul janǵan ardagerler jaı­ǵa­sypty. Olardyń artynda symǵa tar­tylǵandaı jas ofıserler tiz­begi tur. Esik ashylyp, Memleket bas­shy­sy mıkrofon qoıylǵan min­ber­ge jaqyndady da: “Meniń Jar­lyǵymmen osydan 18 jyl buryn Qazaqstan Respýblıka­sy­nyń Qarýly Kúshteri qurylǵan bolatyn. Biz táýelsizdigimizdiń tańy jańadan atyp kele jatqan kezde ulttyq armııamyzdy jasaq­tadyq. Sodan beri osy kúnge deıin eki meıram dástúrge aınaldy. Men búgin mereke kúnine oraı elimizge eńbegi sińgen adamdardy memle­ket­tik nagrada­larmen marapattaýdy jón kórdim. Joǵary marapat ıe­le­rin shyn júrekten quttyqtaı­myn. Jeńis merekesi qutty bol­syn!” dedi. Kelesi kezekte Elbasy arda­ger­lerge qaratyp bylaı dedi: “Búgingi kúnge deıin aman-esen jetip, Allanyń shapaǵatyna, memlekettiń qurmetine bólenip otyrsyzdar. Sonyń ózi úlken baqyt. Sizder surapyl soǵysty kórdińizder, qa­zaqtyń táýelsizdiginiń kýási bol­dy­ńyzdar. Sol qyzyqtaryńyz mo­ly­nan bolsyn. Árıne, men arda­ger­lerdiń barlyǵyna derlik mem­lekettik nagradalardy tapsyra almaımyn. Sondyqtan da barlyq ákimderge óńirlerdegi ardagerlerge memlekettik nagradalardy tapsyrý jóninde tapsyrma berildi. Búgingi kúni Qazaqstannyń qaı jerinde de ardagerlerge zor qurmet pen qam­qor­lyq jasalyp jatyr.  Sol qam­qorlyqtardyń barlyǵy sizderdiń soǵys kezinde kórsetken erlikte­ri­ńizge ul-qyzdaryńyzdyń qurmeti men syı-syıapaty. Endi urpaq­tarymyz bizdiń býyndy da sizderdi qadirlegendeı qasterlese eken deımiz. Meniń oıymsha,  urpaqtar sabaqtastyǵy, ıaǵnı balanyń ataǵa degen qurmeti osylaı bolýy tıis”. Nursultan Ábishuly óziniń úzdik generaldar men ofıserlerdi beıbit ýaqyttaǵy eńbekteri, jo­ǵa­ry biliktilikteri, Otan aldyndaǵy qyzmetteri úshin memlekettik nag­ra­dalarmen marapattaǵanyn má­lim­dedi. Bul rette 19 ofıserge ge­ne­ral ataqtary berilgen bolatyn. Elbasy osyndaı marapatqa ás­ke­rı­lerdiń eńbekteri sińgenin atap kórsetip, olardyń ardager­le­ri­miz­diń eren eńbekterin jalǵastyryp, solardan oqyp-úırenýde ekenin aıtty. — Biz sizderdi Uly Otan soǵy­synyń 70, 75 jyldyqtarynda da kórgimiz keledi, — dedi Elbasy ardagerlerge. Surapyl soǵysta 500-den astam azamatymyz Keńes Odaǵynyń Batyry atandy. Jaýdy  jumylyp, birli­gi­mizben jeńdik. Qanquıly soǵys jyldarynda qazirgi Qazaqstan hal­qynyń myzǵymas birligi qa­lyptasty. Alasapyran zamanda taǵ­dyr toǵystyrǵan ult ókilderin qazaq jeri bir otbasynyń bala­syn­daı baýyryna basty. Biz el basyna túsken zulmat jyldardyń zildeı salmaǵyn jan júregimizben sezinip, bólistik. Sondyqtan biz adamzat balasyna orny tolmas qaıǵy-qasiret ákelgen sum soǵys­tyń jer betinde endi qaıta­lan­baýyn tileımiz. Sóziniń sońynda Elbasy Reseı basshylyǵynyń shaqyrýymen Más­keýdegi Jeńis paradyna qaty­sa­tynyn aıta kele: “Paradqa kóp­tegen el­der­diń memleket basshy­lary qatysady. Sondyqtan da ma­myrdyń 9-y kúni sizdermen birge bola almaımyn. Oǵan ǵafý ótine­min”, dedi. Memleket basshysynyń aı­tý­ynsha, 356 adam nagradaǵa laıyq­ty dep tanylǵan. Anar TО́LEÝHANQYZY.