Boks • 24 Jeltoqsan, 2021

Elordalyq boksshylar Qazaqstan chempıonatynda top jardy

122 ret kórsetildi

Bokstan Nur-Sultan qalasynyń qurama komandasy Oralda erler arasynda ótken Qazaqstan chempıonatyn birinshi orynmen aıaqtady. Elordalyq sportshylar 3 altyn medal jeńip, el chempıonatynda top jardy, dep habarlaıdy Egemen.kz Nur-Sultan ákimdiginiń resmı saıtyna silteme jasap.

Qazaqstan chempıonatynda top jarǵan boksshylarymyzdy Nursultan Nazarbaev halyqaralyq áýejaıynda jaqyndary men jankúıerleri ystyq yqylaspen qarsy aldy.

«Bul eresekter arasyndaǵy alǵashqy jarysym. Jarysqa bapkerimmen Oral qalasynda daıyndaldym. Basty qarsylasymmen sol jerde jattyqtym jáne birge sparnıgke shyqtyq. Jarys óte joǵary deńgeıde ótti. 4 kezdesý ótkizdim. Qarsylastarymnyń barlyǵy Qazaqstan chempıony. Sońǵy qarsylasym Danıal Sábıt degen eresekter arasyndaǵy aldyńǵy jyly Qazaqstan chempıony atanǵan, onymen fınalda kezdestim, óte myqty qarsylas. Aldaǵy jospar, keler jyly Tashkent qalasynda eresekter arasynda Azııa chempıonaty ótedi. Soǵan daıyndalamyz. Barsha qazaq elin el Táýelsizdiginiń 30 jyldyq mereıtoıymen quttyqtaımyn!», dedi elordalyq boksshy Sanjar Táshkenbaı.

a

Esterińizge salsaq, Oral qalasynda bokstan erler arasynda ótken Qazaqstan chempıonaty el Táýelsizdiginiń 30 jyldyq mereıtoıyna oraı uıymdastyrylǵan. Oǵan elimizdiń 17 óńirinen 212 boksshy qatysty.

El chempıonatynda kóptegen álem jáne Azııa chempıonatynyń júldelerin alǵan sportshylar jáne jas júldege talasýshylar men ulttyq quramada júrgen boksshylar syńǵa tústi. Júldegerler qatarynan kóringen sportshylar ulttyq qurama qataryna kirip, 2022 jylǵy basty jarystarǵa qatysý múmkindigine ıe boldy.

a

«Oral qalasynda Qazaqstan Respýblıkasynyń chempıonaty ótti. Bul óte mańyzdy jarys bolyp sanalady. О́ıtkeni bul chempıonatta jańa qurama irikteledi. Jasaqtalǵan qurama elimizdi Azııa oıyndarynda, álem chempıonatynda jáne basqa da jarystarda baqtaryn synaıtyn bolady. Batys Qazaqstan boks federasııasynyń prezıdenti Baýyrjan Kárimovke jáne onyń áriptesteri men komandasyna alǵys aıtqym keledi. Jarysty joǵary deńgeıde ótkizdi. Bizdiń sportshylar barlyq kúsh-jigerimizdi aqtady. Osynyń barlyǵy adal eńbek pen taza jeńistiń arqasynda», dedi Nur-Sultan qalasynyń aǵa jattyqtyrýshysy Asqar Erkebaev.

Eń jeńil salmaqta chempıondyq ataq - jastar arasyndaǵy elordalyq álem chempıony Sanjar Táshkenbaıǵa buıyrdy. Fınaldyq kezdesýde Nur-Sultan qalasynyń boksshysy rıng qojaıyny, byltyrǵy Qazaqstan chempıony Danıal Sábıtti jeńdi.

ka

Aǵaıyndy Oralbaılar ózderiniń myqty ekenderin osy chempıonat barysynda taǵy bir dáleldedi. Aıbek pen Nurbek 80 jáne 92 kelide el chempıony atandy. Nurbek Aqtóbe oblysynyń ókili Jánibek Qartbaıdan basym tússe, Aıbek jarysta Abzal Quttybekovti jeńdi.

Osylaısha, júldeler boıynsha Nur-Sultan qalasynyń aǵa bapkeri Asqar Erkebaevtyń jáne Nurjan Nıshanovtyń shákirtteri jeńimpaz atandy. Olar úsh altyn júlde enshiledi.

Qazaqstan chempıonatynyń nátıjesi boıynsha jalpy komandalyq esepte Nur-Sultan quramasy kósh bastady. Ekinshi orynǵa Túrkistan oblysynyń quramasy jaıǵassa, úzdik úshtikti Qaraǵandy oblysynyń boksshylary túıindedi.

eý

Sońǵy jańalyqtar

Elordanyń damý dańǵyly

Elorda • Keshe

«Nur-Sultan kitaphanasy»

Elorda • Keshe

Qattalǵan tarıh qazynasy

Elorda • Keshe

Ahańnyń adaldyǵy

Ahmet Baıtursynuly • Keshe

Qaraly kezeń kartınasy

Qazaqstan • Keshe

Parıjge syımaǵan Pol

О́ner • Keshe

Qarttar úıindegi vals

Qoǵam • Keshe

Dollar qaıta kóterildi

Qarjy • Keshe

Uqsas jańalyqtar