JÝRNALISTERDIŃ JYLDAǴY JARYSY

Jyl saıyn Al­maty­da 8-9 mamyr kúnderi BAQ ara­synda shaǵyn fýt­bol­dan belgili jazý­shy, sport jýrnalıs­tı­kasyn­yń kósh­bas­shy­sy Seıdahmet Ber­­diqulovty eske alýǵa arnalǵan týr­nırdiń ótetini belgili. Seıdaǵańnyń týǵan kúnin­de jyldaǵy dástúr boıynsha qolyna qalam men mıkrofon ustaǵan áriptesterimizdiń arasynda ótetin týrnır bıyl 15-shi márte jalaýyn kóterdi. Bul týrnır jýrnalısterdiń jylyna bir ret ásem Almaty­nyń ashyq aspany astynda dop teýip, koman­dalarynyń baǵyn synap kórý úshin asyǵa kútetin básekesine aınalǵany jasy­ryn emes. О́ıtkeni, kúndelikti ómirde kóp rette qyzmet baby boıynsha kezdesetin áriptesterimiz úshin bul týrnırdiń jasyl alańda dop teýip qana qoımaı, bir-birimen etene aralasý úshin de mańyzy zor. Sol kórinis bıylǵy básekede de óz jalǵasyn tapty deýge bolady. Osy jylǵy týrnırge “Qazaq gazetteri” JShS quramyna kiretin birneshe basylymnan turatyn qurama komanda, “Egemen Qazaq­stan” gazeti, “Qa­zaq­stan” ulttyq arnasy, “Habar” telearna­sy sııaqty ujymdar men basqa da gazet-jýrnaldardy qosqanda barlyǵy 15 koman­da qatysyp, 2 kún boıǵy kezdesýler barysynda bir-birimen etene aralasyp, qyzyqty da tartysty oıyn órnegin kórsetti. Týrnırdiń ashylý saltanatynda Seı­daǵań­­nyń uly Zańǵar Berdiqul, “Qazaq gazetteri” JShS bas dırektory Jumabek Kenjalın, “Jas Alash” gazetiniń bas re­dak­tory Rysbek Sársenbaı, “Alash aına­sy” gazetiniń bas redaktory Serik Jan­bolat pen basqa da BAQ basshylary sóz sóılep, osy týrnırdiń mán-mańyzy men Seıdaǵańnyń qazaq sport jýrnalıs­tı­kasynyń qalyptasýyna qosqan qomaqty úlesi jóninde aıtty. Osydan keıin sóz alǵan Týrızm jáne sport mınıstrligi Sport isteri jónindegi komıteti, Shtattaǵy ulttyq komandalar jáne sport rezervi dıreksııasynyń basshysy Qaırat Jan­peıisov pen onyń orynbasary Alekseı Krıýchkov ta týrnırdiń mańyzdylyǵy jó­nin­de keńirek málimet berdi. Jerebe tarty­lyp, oıyn bastalǵan soń, úsh topqa bólingen 15 komanda arasyndaǵy týrnırdiń birinshi kúni ár topqa túsken 5 komanda ózara kezdesti. Munda jeńilgenderi jarystan shyqsa, upaı sany boıynsha alǵashqy eki oryndy ıelengen komandalar kelesi aına­lymǵa joldama alyp jatty. Sóıtip, týrnırdiń ekinshi kúni “Egemen Qazaqstan” gazeti, “Qazaq gazetteri” JShS, “Habar” men “Jas qazaq” komandasy, “Almaty TD”, “KTK-Karavan”, “Qazaq­stan” ulttyq arnasynyń komandasy eki topqa úsh koman­dadan bólinip, jarysty jalǵastyrý múm­kindigine ıe boldy. Bul synda ózara kez­desý­ler boıynsha eń kóp 11 upaı jınaǵan “Qazaqstan” telearnasynyń komandasy birinshi oryndy, “Habar-Jas qazaq” komandasy ekinshi, al úshinshi júldeli oryndy “Qazaq gazetteri” JShS ujymy ıelendi. Sonymen birge, týrnırdiń sońynda uıymdastyrýshylar tarapynan myna oıyn­­shylar jekelegen nomınasııa boıyn­sha úzdikter qatarynan kórindi. Munda úzdik oıynshy ataǵyna Shoqan Maqanov (“Qazaqstan” telearnasy) ıe bolsa, úzdik qaqpashy bolyp Arshat Orazov (“Egemen Qazaqstan” gazeti) tanyldy. Al týrnırdiń eń úzdik shabýylshysy Jandos Aıtbaı (“Habar” agenttigi), úzdik tóreshi bolyp Baqytjan Nurpeıisov atandy. Sondaı-aq, Týrızm jáne sport mınıstrligi jyl saıyn Seıdahmet Berdiqulovty eske alýǵa arnal­ǵan týrnırdi ótkizýge muryndyq bolyp kele jatqan belgili azamattar Ǵazızbek Táshim­baı men Albert Ozoldy, UShKD dırek­­tory Qaırat Janpeıisovti básekeni uıym­­dastyrýǵa zor úles qosqany úshin ataý­­ly dıplomdarmen marapattaýdy umytqan joq. Osy jerde belgili sport jýrnalısi Rabat Jánibekovtiń de týrnırge qosyp júrgen úlesin atap ótpeske bolmaıdy. Al jasyl alańda óner kórsetken áriptesterimizge keler bolsaq, bıylǵy týrnırde óz jumy­synda kásibı biliktiligimen kórinip júrgen Sharafaddın Ámir, Muhıtdın Salqymbaev, Jaras Sársek, Sraıyl Smaıyl, Janarbek Áshimjan, Sattar Ernazarov, Ǵalym Súleı­men, Erjan Baıtiles, Tóleýbek Qadyrmol­la, Shalqar Esten, Erik Rahym, Aqyn Orda­baıuly, Amangeldi Seıithan, Asqar Turap­baıuly, Qaırat Mamyrbaev, Eseı Jeńis­uly sııaqty áriptesterimizdiń jasyl alańda da óz oıyn órnegimen kózge túskenderin atap ótkenimiz jón. Dastan KENJALIN. ALMATY.