Tapsyrmanyń óz deńgeıinde oryndalýy Ishki ister mınıstri E.Turǵymbaev tarapynan qatań qadaǵalanyp, baqylanýda. Iаǵnı syrtqy qurylym bolyp sanalatyn jáne halyqpen únemi baılanysta bolatyn ýchaskelik ınspektorlardyń jumysy jiti qaralýda.
Inspektorlardyń jumys kórsetkishi joǵarylaý úshin jaǵdaı jasalyp, jabdyqtarmen qamtamasyz etilýde. Budan bólek áleýmettik jelige respýblıka kóleminde iriktelip alynǵan ýchaskelik polıseılerdiń sýretteri men jeke málimetteri jarııalanyp, olarǵa turǵyndar tarapynan basylǵan lúpil men qoldaý jazbalary saraptaldy. Saraptaý nátıjesinde respýblıkalyq baıqaýda daýys berýshilerdiń pikiri boıynsha Túrkistan oblysy polısııa departamentiniń Saryaǵash aýdandyq polısııa bóliminiń ýchaskelik ınspektory Nurlybek Asanhanov «qalalyq jerdegi polısııanyń úzdik ýchaskelik ınspektory» atandy. Al Keles aýdandyq polısııa bóliminiń ýchaskelik ınspektory Bekjigit Asabaev «úzdik ýchaskelik polısııa ınspektory» dep tanyldy. Tártip saqshylarynyń marapattaryn Túrkistan oblysy polısııa departamentiniń bastyǵy polısııa general-maıory Qaırat Dálbekov barlyq aýdannyń polısııa basshylary jáne jeke quram jınalǵan, jyl ishinde atqarylǵan jumystar qorytyndylanǵan jıynda tabys etti. Iаǵnı «Quqyq tártibin qamtamasyz etýge qosqan úlesi úshin» medalimen polısııa kapıtany Nurlybek Asanhanov, bir saty joǵary polısııa podpolkovnıgi arnaýly ataǵy polısııa maıory Bekjigit Asabaevqa, «Qoǵamdyq tártipti saqtaǵany úshin» keýde belgisi polısııa polkovnıgi Dáýrenbek Ahmetovke berildi.
Sondaı-aq Reseı Federasııasynda karate-do shotokannan 9 memleket arasynda ótken Álem Kýbogynda Qazaqstan Respýblıkasynyń atynan jarysqa qatysyp, 68 keli salmaq dárejesinde I orynǵa ıe bolǵan polısııa aǵa leıtenanty Aıgerim Nýrıdın, sambo kúresinen QR Táýelsizdiginiń 30 jyldyǵy, Qabanbaı batyrdyń 330 jyldyǵyna oraı Semeı qalasynda ótken «Qabanbaı batyr memorıaly» respýblıkalyq týrnırinde áıelder arasynda 65 keli salmaq dárejesinde II oryn alǵan polısııa leıtenanty Aınur Aqjigitova, Túrkistan qalasynda ótken «Greplıng» kúres túrinen [alyqaralyq týrnırde 83 keli salmaq dárejesinde júldeli 2-oryndy ıelengen polısııa kapıtany Jánibek Aıdarbek alǵys hat jáne kýboktarmen marapattaldy.
Oblystyń bas polıseıi barlyq tártip saqshylaryn jeńisterimen quttyqtap, qyzmetterine tabys pen sáttilik tiledi.
