DSU basshysy 2020 jyly 1,8 mıllıon adam qaıtys bolsa, 2021 jyly 3,5 mıllıon adam qaıtys bolǵanyn jáne naqty sany áldeqaıda joǵary ekenin aıtty.
«Bul – vırýstyń uzaq merzimdi áserine tap bolǵan mıllıondaǵan adamdy qospaǵandaǵy kórsetkish. Biraq áli de bıyl pandemııanyń qıyn kezeńin aıaqtap qana qoımaı, densaýlyq saqtaý salasyndaǵy qaýipsizdikti nyǵaıtý máselesin damyta alatynymyzǵa senimdimin. Ujymdyq kúresti jaqsartpasaq, bul vırýs damyp, densaýlyq saqtaý júıelerine qaýip tóndiredi», dedi Tedros Adhanom Gebreıesýs.
Onyń aıtýynsha, «delta» jáne «omıkron» shtamdary eki ese qaýip tóndiredi. Sondaı-aq bul jaǵdaılardyń sanyn rekordtyq deńgeıge deıin arttyryp, aýrýhanaǵa jatqyzý deregi men qaıtys bolǵandar sany kúrt artýyna ákeledi.
Vaksına máselesinde DSU-ǵa múshe 194 memlekettiń 92-si 40 paıyzǵa jetpegeni aıtyldy. Bul kóbinese tabysy tómen elderde baıqalady. Gebreıesýs 2022 jyly shildeniń basynda barlyq elde halyqtyń 70 paıyzy tolyǵymen vaksına alǵanyn qalaıtynyn aıtty.
Buǵan deıin Dúnıejúzilik densaýlyq saqtaý uıymynyń dırektory Tedros Adhanom Gebreıesýs «delta» men «omıkron» shtamdary jaǵdaıdy ýshyqtyrýy múmkin ekenin aıtqan bolatyn.
