Qazaqstan Respýblıkasynyń Bas memlekettik sanıtarlyq dárigeriniń qaýlysymen jumys jáne demalys kúnderi saýda-oıyn-saýyq ortalyqtaryna, saýda úılerine, saýda jelilerine (azyq-túlik emes), karaokege jumys rejımi boıynsha shekteýsiz qyzmetkerler men kelýshilerde qaýipsiz «jasyl» mártebesi (vaksınasııa, synamalardy irikteý sátinen bastap jeti táýlikten aspaıtyn teris nátıjesi bar PTR-test) bolǵan jaǵdaıda ǵana ruqsat etiledi, dep habarlady COVID-19 taratpaý jónindegi VAK.
Koronavırýstyń «omıkron-shtamm» nusqasynyń taralý jyldamdyǵyna baılanysty qosymsha sharalar qabyldanýda, búginde jańa shtamm álemniń 110 elinde anyqtaldy.
Birqatar elderdiń densaýlyq saqtaý júıesi «omıkron» nusqasynyń tez taralýyna baılanysty shamadan tys júktemeni bastan keshýde. Osyǵan baılanysty qabyldanǵan sharalar epıdemıologııalyq jaǵdaıdyń turaqtylyǵyn saqtaýǵa, aýrýlar sanynyń ulǵaıý qaýpin azaıtýǵa, neǵurlym qatań shekteý sharalaryn engizýge jol bermeýge baǵyttalǵan.
