Bul týraly Prezıdent elimizdegi áleýmettik-ekonomıkalyq jaǵdaıǵa qatysty ótkizgen keńeste málimdedi.
«Qasym-Jomart Toqaev elimizde qalyptasqan kúrdeli qoǵamdyq-saıası jáne áleýmettik-ekonomıkalyq jaǵdaıǵa toqtalyp, suıytylǵan gaz baǵasynyń artýyna baılanysty halyqtyń narazylyǵyn týdyrǵany úshin úkimet, sonyń ishinde Energetıka mınıstrligi, sondaı-aq «Qazmunaıgaz» ben «Qazaqgaz» kásiporyndary kináli ekenin aıtty», delingen Aqorda taratqan habarlamada.
Prezıdent Almaty qalasy men Mańǵystaý oblysynda tótenshe jaǵdaı engizilgennen keıin ahýal birtindep túzeletinin atap ótti. Sondaı-aq jaǵdaıdy turaqtandyrýǵa qatysty tapsyrmalar berilgenin málimdedi.
