8 jeltoqsan kúni túngi saǵan 02.45. kezinde El Plaza barynda bir top adam oıyn-saýyqty qyzdyryp jatqany belgili bolǵan. Polısııa qyzmetkerleri oqıǵa ornynan 19 adamdy tutqyndady, arasynda kámeletke tolmaǵandar da bar. Polısııanyń aıtýynsha, ustalǵandardyń keıbiri alkogoldik ishimdikke mas bolǵan. olardyń bári polısııa bólimine jetkizilgen. Sondaı-aq tártip buzǵan kafe-bardyń qojaıyny men qyzmetkerleri de tutqyndalǵan.
Tártip buzýshylarǵa 10 AEK kóleminde aıyppul nemese 15 kúnge deıin qamaý jazasy taǵaıyndalýy múmkin.
Dál osy 8 jeltoqsan kúni tańǵy 03.30. saǵatta Oral qalasynyń irgesindegi Podstepnyı kentinde ornalasqan №3 bekette armıan nómirli «Toıota Alfard» avtokóligi toqtatyldy. Júrgizýshi polısııanyń talabyna moıynsunbaı, kóligin tekserýge qarsy bolǵan, qashyp ketýge áreket jasaǵan. Tintý kezinde kóliktiń júksalǵyshynan kózden jas aǵyzatyn granata, 12 kalıbrli myltyqtyń oqtary, 50 dana sý jańa, ártúrli markaly telefon, 6 planshet, 23 smart saǵat jáne basqa da gadjetter men olarǵa qajetti aksessýarlar tabylǵan. Odan bólek, júksalǵyshta birneshe sómkege salynǵan kıim-keshek te bolǵan. Nazar aýdararlyǵy, bul kıimderge dúkende salynatyn urlyqqa qarsy magnıttik syrǵalary alynbaǵan eken.
Qazir avtokólik júrgizýshisine tergeý júrip jatyr. Avtokólik arnaıy turaqqa qoıylǵan. Polısııanyń habarlaýynsha, tutqyndalǵandar destrýktıvti dinı aǵym músheleri.
QR Ishki ister mınıstrligi jedel shtabynyń málimetinshe, olar Almatydaǵy tonaý aktilerine jáne narazylyq aksııalaryna qatysqan. Ustalǵandardyń sózine qaraǵanda, granata men oqtardy Almatydaǵy tanystarynan satyp alǵan. Al smartfondar men akseýarlardy, kıim keshekterdi dúkenderdi tonaý kezinde alyp ketken
