Elimizde oryn alǵan jáıt haqymyzdyń jańasha tarıhyndaǵy taýy shaǵylyp, tabany taıǵanaǵan sát retinde oryn alary barshamyzǵa aıan.
Qazaqstan Respýblıkasy Prezıdenti Q.K.Toqaevtyń saqynqandy, salmaqty basshylyǵymen tıisinshe shuǵyl kadrlyq ózgerister engizýi, der kezinde jaǵdaıdy tolyq baqylaýdy qolǵa alýy birden oń nátıjesin bergenine barshamyz kýámiz, sondaı-aq, memleket Basshysynyń halyqqa birneshe márte úndeý aıtýy da azamattarymyzdyń úreıge boı aldyrmaýyna jáne adamdarǵa qaýipsizdiginiń qamtamasyz etiletinine senim uıalatty.
Alaıda, elimizdegi ahýaldy retteýge, terrorıstik kúshterge qarsy kúres barysynda erligimen jan keshken asyl azamattar da, ókinishke oraı, bar. Árıne, Táýelsizdigimiz tarazyǵa túsken sátte erlikpen kóz jumǵan asyl azamattardyń esimderi Otan tarıhynan oryn alary sózsiz!
7 qańtar kúni memleket Basshysy Qasym-Jomart Kemeluly Toqaev halyqqa kezekti úndeýin joldady. Atap óterlik jáıt, barsha qazaqstandyqtaradyń atalǵan úndeýdi bir demmen tyńdap shyqqany kúmánsiz dep oılaımyn. Eldegi jaǵdaı birshama rettelip, konstıtýsııalyq tártip júıelenýde, desek te terrorıstik toptardyń áli de birli jarym qarsylyq tanytý, memlekettik jánge jeke menshikke nuqsan keltirý áreketteri jalǵasýda.
QR Prezıdenti Q.K.Toqaevtyń tikeleı basshylyǵymen qalypty beıbit ómirge oralatynymyzǵa, memlekettik basqarý isindegi oryn alǵan ahýal tıisti baǵasyn alyp, tıisinshe sheshim qabyldanatynyna, azamattyq qoǵam ınstıtýttary da oryn alǵan saıası oqıǵadan sabaq alyp, qorytyndy shyǵaratynyn da, memlekettiligimizge syzat túsirýge budan bylaı jol bermeý úshin árbir azamat ózindik túıin jasaıtynyn da basa aıtýǵa bolady.
Qazaq eliniń saıası prosesinde oryn alǵan qaýipti eńserý úshin bir demmen qoldaý kórsetken halqyna Prezıdent Q.K.Toqaevtyń alǵys aıtyp, ıgilikti ómir súrýdi tileýi – memleket Basshysy elimizdiń saıası-ekonomıkalyq damýyna aıtýly ózgerister engizetininiń aıǵaǵy demekpiz.
Elimiz aman, jurtymyz tynysh, Táýelsizdigimiz tuǵyrly bolsyn, aǵaıyn!
L.N.Gýmılev at. EUÝ
saıasattaný kafedrasynyń meńgerýshisi,
professor Baǵysh Gabdýlına
