TARBAǴATAIDAǴY QOS QÝANYSh

Jeńis merekesi kúni Tarbaǵataı aýdanyndaǵy sý basqan aýyldarda turǵyn úı, aýrýhana qurylysynyń irgetasy qalandy 194 ARDAGERGE PÁTER BERILDI Uly Jeńistiń 65 jyldyǵy oblys ortalyǵy О́skemende saltanatpen atap ótildi. Eń áýeli, Elbasy N.Nazarbaevtyń soǵys ardagerlerin pá­ter­men qamtamasyz etý, basqa da áleýmettik máse­lelerin sheshý jónindegi tapsyrmasy tolyq oryn­daldy. Atap aıtqanda, Jeńis merekesi kúni oblys boıynsha ardager asyl aǵalarymyzǵa ob­lys ákimi Berdibek Saparbaev 194 páterdiń kil­tin tabys etti. Bul – elimizdegi eń joǵary ná­tı­je ekeni jasyryn emes. Jeńis sherýi de el esin­de qalarlyqtaı mándi de sándi ótti. Or­talyq res­pýblıka alańyna halyq syımaı ketti. Jaýyn­gerler sherýi, teatrlan­dyrylǵan kórinis, balǵyn­dardyń ásem áni men bıi kópshiliktiń kóńilinen shyqty. QASYM AǴA ELINE KELDI Ataqty partızan-jazýshy, “Halyq Qahar­many” Qasym Qaısenovke arnalǵan bıýst Jeńis merekesinen bir kún buryn ózi atyndaǵy kóshe­niń kórikti jerinen boı kóterdi. Bıiktigi eki metr qoladan quıylǵan músin minsiz jasalynypty. Onyń saltanatty ashylýyna qala turǵyndary, soǵys ardagerleri, Qasym aǵanyń týystary qatysty. Jıynda oblys ákimi B.Saparbaev, karıkatýrıst-sýretshi, Qasym aǵanyń jeke hatshysy bolǵan E.Nurazhan, Eńbek Eri Q.Baqtybaev, partızan jazýshynyń týystary sóz aldy. Sol kúni Dańq memorıaly aldynda da keremet bir áserli kesh ótti. KО́KJYRADA TURǴYN ÚI QURYLYSY BASTALDY Jeńis merekesi saltanatynan keıin óńir basshysy B.Saparbaev, sý tasqyny zardaptaryn joıý jónindegi oblystyq shtabtyń bastyǵy Islam Ábishev bastaǵan top tikushaqpen Tar­baǵataı aýdanynyń Kókjyra jáne Jántekeı aý­yl­daryna bet aldy. Altaıdyń aqbas shyń­darynyń bıik tustarynda áli qar kete qoımaǵan. Al jazyq jerlerge kóktemniń lebi jetip, jer jap-jasyl túske boıanǵan. Altaıda kóktem kesh shyǵady. Ońtústiktegi aǵaıyndar jaıqalyp ós­ken kókónisterin sýaryp, áne-mine dámin tata­myz dep otyrǵanda bizder ony endi ǵana salyp ja­tyrmyz. Alaıda, kóńilimiz kóktem, búgin aman­shylyq bolsa, turǵyn úılerin sý shaıyp ket­ken eki aýylda qurylystyń irgetasy qalanbaq. Kókjyra sý tasqynynan eń kóp zardap shek­ken aýyl. Munda 221 turǵyn úı, áleýmettik maq­sat­taǵy ǵımarattar salynbaq. Kósheler as­falt­talyp, jaryq tartylmaq. Demalys oryndary boı kótermek. Kókjyralyqtar kelgen resmı top­ty qýanyshpen qarsy aldy. Oblys ákiminiń or­yn­basary T.Túsipbekov, Tarbaǵataı aýda­ny­nyń ákimi M.Saparǵalıev, onyń orynbasar­lary, О́skemen qalasyndaǵy jer qatynastary, sáýlet basqarmalarynyń basshylary jańa aýyl boı kóteretin jerdi kórsetti. Oblys ákimi Berdibek Saparbaev Uly Je­ńistiń 65 jyldyǵymen kókjyralyqtardy qut­tyqtady. Jeńistiń ońaı jolmen kelmegenin, mıl­lıondaǵan bozdaqtardyń janyn pıda et­kenin, qazaqstandyq bes júzden astam jaýynger Keńes Odaǵynyń Batyry atanǵanyn, onyń ishinde 109-y jerlesterimiz ekenin tilge tıek etti. Budan keıin 93 jastaǵy Dolda Bolaǵaev pen 90 jasar Saıabek Qojahmetovke ata saltymen ıyqtaryna shapan jaýyp, Jeńis merekesimen quttyqtap, teledıdardy syılyqqa usyndy. Qos qarııa soǵys ardagerlerine kórsetken qamqor­lyqtary úshin alǵystaryn aıtty. – Elbasy N.Nazarbaev árdaıym halyqtyń jaǵdaıyn oılap otyrady. Syn sátte sizderge qarjy bólip, jaqyn arada sý basqan bes aýylda bes júzge tarta turǵyn úı, úsh mektep, balabaq­sha, basqa da áleýmettik ǵımarattardyń qury­lysyn bastaý kerektigin tapsyrǵan. Kókjyrada – 221, Jántekeıde – 191, Kóktúbek, Qyzylkesik jáne Zaısan aýdanynyń Tasbastaý aýyldarynda da qıraǵan úıler ornyna jańalary salynady. Qos mereke qutty bolsyn, eń bastysy, sizder de qurylysqa aralasyp, úılerińizdiń sapaly bolýyn qadaǵalaısyzdar. Sizder úshin jumys ýaqyty tańǵy besten bastalyp, keshki segizge deıin sozylýy tıis. Sonda ǵana qońyr kúzde qo­nys toılaryn jasaı alasyzdar, – dep óńir bas­shysy turǵyndarǵa tapsyrma mindetter júktedi. Kókjyra aýylynyń baıyrǵy turǵyny, eń­bek ardageri Sovet Ysqaqov jerlesteri atynan Elbasyna, óńir basshysyna alǵysyn bildirdi. “Berdibek Máshbekuly siz eki aıdyń ishinde bizdiń aýylǵa segizinshi ret kelip tursyz. Naǵyz halyqtyń janashyry ekenińizdi bárimiz bilemiz. Bizge pana bolyp, bergen ýádelerińizdi oryn­da­ǵandaryńyz úshin myń alǵys”, dedi. JÁNTEKEIDE KÚZDE MEKTEP BOLADY Bas merdiger osy óńirdiń týmasy Qaırat Ná­bıev basqaratyn “PMK-qurylys” kompanııasy eken. Qosalqy merdiger uıymdar jan-jaqtan tartylmaq. Turǵyn úıler ári ketkende qazan aıynda aıaqtalýy tıis. Budan keıin B.Saparbaev pen I.Ábishev turǵyn úıdiń irgetasyna quımatas kuıdy. Semeı qalasynan kúni keshe gazblok materıaldary jetkizilipti. Uzyndyǵy 60 sm. kóldeneńi 40 sm. kirpishtiń sapasyna óńir bas­shy­sy kúmán keltirdi. Rasynda da saýsaq­tarymen qatty qysqanda kirpishtiń shetteri úgitilip ketedi eken. “Bul jaramaıdy. Mamandar teksersin. Kúni erteń sapasy tómen bolyp, jurt aldynda uıatqa qalyp júrmeıik”, dedi Berdibek Máshbekuly. Jántekeı aýylynan úsh shaqyrym jerden jańa turpattaǵy aýyl boı kóteretin túri bar. Aýyl ákimi Aıgúl Imanbaevanyń bul oraıda atqa­ryp júrgen eńbegin atap ótken lázim. Ol óńir basshysyna atqaryp jatqan isteri jaıly aı­typ berdi. 180 oryndyq orta mekteptiń irge­tasy quıyldy. B.Saparbaev qurylysty júrgi­zý­shi ob­lystyq máslıhattyń depýtaty Ásemhan Dos­qa­janov basqaratyn jigitterdiń jumysyna sáttilik tilegen soń aýyl turǵyndarymen kezdesti. ­– Biz ýádeni oryndadyq. Bárińiz bir rettik bes myń teńgeni aldyńyzdar. Nesıe máselesi búgin-erteń sheshilmek. Biraq aqshalaı emes, maldaı beremiz. Sebebi, ólgen maldyń ornyn toltyrý qajet. Mádenıet úıi, mektep, aýrýhana, basqa qurylystar da amanshylyq bolsa ıgilikke jarar. Saılap alǵan onbasy, júzbasylar halyqty jumyldyryp otyrýlary qajet. Bos sózdi qoıatyn ýaqyt jetti. Jumys istep qarjy tabyńyzdar. Búginge deıin aýyldyń 150 turǵyny jumysqa qabyldaý jóninde ótinish túsiripti. Bul az bolsa kórshi Zaısan, Aıagóz aýdandarynan jumys qolyn tartý qajet. Al basqa ob­lystardan qurylysshylar tartýdyń reti joq. Sebebi, tapqan tabystyń salyǵy osynda qalýy tıis, – dedi óńir basshysy. Dónenbek Salqynbaev, Muhametqalı Ah­me­tov degen qos soǵys ardagerin oblys ákimi qut­tyq­tap, Jeńistiń 65 jyldyǵy medalin tap­syrdy, syı-sııapatyn jasady. Tarbaǵataıdaǵy qos qýanysh kúızelgen jandardy bir serpiltip tastady. Jergilikti tur­ǵyndardyń Elbasy saıasatynyń durystyǵyna kóz­deri jetti. Jańarǵan, jasarǵan bes aýyl tur­ǵyndarynyń qýanyshy uzaǵymen súısindirsin. Ońdasyn ELÝBAI.