Biraq bul qaı jaǵynan alǵanda da negizdi sheshim ekenin ýaqyt kórsetip otyr. Munyń birneshe sebebi bar. Birinshiden, bul halyqaralyq sheshimder aıasynda qarastyrylǵan. Ujymdyq qaýipsizdik keńesi ózara kómek maqsatynda qurylǵan. Iаǵnı, áldebir múshe memleketke ishten ne syrttan qaýip tóngende qalǵan odaqtas elder kómek beredi, tyǵyryqtan shyǵýǵa qol ushyn sozady. О́kinishke qaraı, qazirgi tańda Qazaqstanda sondaı jaǵdaı týyndap tur.
Ekinshiden, Qazaqstan osy kúnderi terrorıster men búlikshilerdiń jappaı shabýylyna ushyrady. Osyndaı kezeńde shabýylǵa toıtarys berý úlken kúshti, úlken áleýetti talap etip otyrǵany kórinip otyr. Bul kúshtik qurylymdarǵa bastapqy kezde óte aýyr tıdi. Sondyqtan UQShU-nyń múmkindigin paıdalanýdyń bir sebebi osynda jatyr.
Úshinshiden, oqıǵany baqylaýǵa alýǵa kúshtik qurylymdarymyzdyń áleýeti, múmkindigi jeter edi. Biraq sonyń bárine qaramastan mańyzdy másele bar. Bul - syrtqy odaqtastardyń qoldaýy negizinde antıterrorlyq áreketti neǵurlym tez aıaqtaý. Iаǵnı, UQShU-nyń shaqyrylýy jaǵdaıdy birneshe kúnge, bálkim birneshe saǵatqa erte baqylaýǵa alýǵa múmkindik beredi. Al qazirgi negizgi basymdyq, maqsat - tezirek tynyshtyqty ornatý, turaqtylyqty qalpyna keltirý. Osyndaı kezeńde halyqaralyq tetikti nege paıdalanbasqa?!
Tórtinshiden, UQShU-nyń kúshteri kóbine janama, kómekshi ról atqarady. Antıterrorlyq sharalardy bizdiń kúshtik qurylymdar júrgizedi. UQShU-nyń kúshteri kóbine kúzetý, tájirıbemen bólisý, memlekettik, qoǵamdyq mańyzy bar nysandardy kúzetke alý sekildi janama jumyspen aınalysady. Iаǵnı, azamattarymyzǵa qarsy jumys istemeıdi. Kósheler men alańdarda júrmeıdi. Sondaı-aq, óte shektelgen merzimge keledi. Jaǵdaı turaqtalǵan soń óz elderine qaıtady.
Besinshiden, UQShU áskerleri jekelegen ellerdiń sarbazdary emes. Bul osy uıymǵa kezinde arnaıy jiberilgen áskerılerdiń toptamasy. Tek qana sol uıym mandatymen júredi. Iаǵnı, bul jerde Reseıdiń, Armenııanyń, Qyrǵyzstannyń áskerleri elge kirip ketti degen áńgime bolmaýy tıis.
Rasýl JUMALY,
saıasatker
