• 13 Naýryz, 2014

Qatarynan úsh jeńis

275 ret

kórsetildi

1 mın

oqý úshin

Egemen Qazaqstan

Astananyń «Barysyn» kelesi kezeńge shyǵarýǵa jaqyn

Astananyń «Barys» komandasy Qurlyqtyq hokkeı lıgasy pleı-off serııasynyń úshinshi matchyn Ekaterınbýrgte jergilikti «Avtomobılıst» ujymymen qarsy ótkizip, qarsylasyn qatarynan úshinshi ret tize búktirdi. Elorda jasaǵy, sonymen birge, osy kezeńdegi úsh oıynynda birinshi ret negizgi ýaqytta jeńiske jetti. Match barynsha tartysty ótti. Buǵan munyń aldynda Astanada ótken eki kezdesýde utylyp qalǵan alań ıeleriniń qarymta qaıtarý úshin baryn salǵandary da aıtarlyqtaı áser etti. Al Astanadaǵy eki oıynnyń taǵdyry da overtaımda sheshilgen bolatyn. Osynyń ózi eki jaqtyń bir-birlerine teń qarsylas bola alǵandaryn kórsetse kerek. Kezdesýdiń esebin alań ıeleri 7-mınýtta ashty. Ony forvard Artıom Chernov túsirdi. Al oıynnyń ekinshi kezeńinde, 23-mınýtta qonaqtar tarazy basyn teńestirdi. Bul jolǵy shaıbany astanalyq Konstantın Romanov óz esebine jazdy. Budan keıin match bizdiń jigitterdiń birshama basymdyǵymen órbidi. Olar muny oıyn bitýge 4 mınýt qalǵanda golǵa aınaldyra bildi. Sóıtip, shabýylshy Konstantın Rýdenko soqqan sońǵy shaıbanyń arqasynda «Barys» úshinshi jeńisine qol jetkizdi. Endi Astana hokkeıshilerine bir ret jeńiske jetse jetip jatyr, olar shırek fınalǵa shyǵady. Rýslan IGILIK.