Quqyq qorǵaý organdarynyń qyzmetkerleri qoǵamdyq tártipti jáne azamattardyń qaýipsizdigin qamtamasyz etý úshin kúsheıtilgen rejımde jumys isteýde. Oblystaǵy jaǵdaı polısııa qyzmetkerleriniń tolyq baqylaýynda.
«О́tken túni komendanttyq saǵat tártibin buzǵany úshin polısııa bólimderine 115 azamat jetkizildi. Onyń ishinde 83 adam ákimshilik jaýapkershilikke tartyldy (30-y qamaýǵa alyndy, 9-yna aıyppul salyndy, 20-yna eskertý berildi). Sonymen qatar qazirgi ýaqytta 3 adam qamaýda otyr. Taǵy 4 adamǵa qatysty bultartpaý sharasy qarastyrylyp, sotqa deıin tergeý jalǵasyp jatyr», - dedi oblystyq PD baspasóz qyzmetiniń jetekshisi Erbolat Sarqulov.
Aqtóbe qalasynyń jáne aýdan ortalyqtarynyń shyǵa berisinde 10 blokbeket ornatylǵan. Onda polısııa qyzmetkerleri men áskerıler qujattar men kólik ishin tekseredi. «10 qańtar kúni blok bekette 40 jastaǵy júrgizýshiniń basqarýyndaǵy «Vaz-2140» avtokóligi toqtatyldy. Júrgizýshiniń tanysynyń qolynda 12 kalıbrli tegis uńǵyly eki myltyq bolǵan. Qarý ıesi ákimshilik jaýapqa tartyldy», dedi Erbolat Sarqulov
