«Sary aımaqqa» engizildi

О́ńirde epıdemııa bastalǵaly 40 249 adamǵa «koronavırýs» dıagnozy qoıylǵan. Onyń ishinde 26 022 naýqasta aýrý sımptomdary anyq baıqalǵan. Al sońǵy táýlikte Batys Qazaqstan oblysynda 24 jańa juqtyrý jaǵdaıy tirkeldi. KVI reprodýktıvti sany – 2,25.

Saraptamaǵa qarasaq, óńirde 2020 jyly – 9 221 jaǵdaı, 2021 jyly 30 849 jaǵdaı tirkelgen. Al 2022 jyldyń 1 qańtarynan beri 179 adamnyń vırýsty jańa­dan juqtyrǵany hattaldy. Sońǵy aýyrǵandardyń 113-iniń syrqaty – sımptomdyq, 66-sy sımptomsyz baıqalǵan. Aýyryp jatqandardyń ekeýi  kámeletke tolmaǵan. О́kinishtisi, jańa jyldan beri, dálirek aıtsaq soń­ǵy aptada 3 adam osy dertten qaıtys boldy.

Oblys aýmaǵynda COVID-19 dıagnostıkasy boıynsha 14 zerthana bar. Sońǵy táýlikte 322 zertteý júrgizilgen.

Oblysta COVID-19 juqtyr­ǵan naýqastar 9 ınfeksııalyq stasıonarda em alyp jatyr. Onyń ishinde 6 naýqastyń jaǵ­daıy aýyr, onyń úsheýi О́JJ apparatyna, 3 adam ottegi­ge qosylǵan. Oblystyq sanıtar­lyq-epı­demıologııalyq ba­qylaý departamentiniń basshysy Muham­ǵalı Aryspaevtyń aıtýyn­sha, ınfeksııalyq tósek tolymdylyǵy 11,3%-dy ǵana quraıdy. Iаǵnı qaýipti vırýs juqtyrǵan naýqastardy der kezinde aýrýhanaǵa jatqyzyp, tıisti em-dom kórsetýge esh ke­dergi joq. Qazirgi qyzmet etip turǵan 504 stasıonarlyq oryn­nan basqa, 2 184 (1309 ınfek­sııalyq, 875 karantındik) tósektik oryn rezervi jasalǵan.

KVI-ǵa qarsy vaksınalaý barysyna toqtalsaq, búginge deıin 257 115 adam ekpeniń alǵash­qy komponentin alǵan. II kom­po­nen­tin tolyq alǵan turǵyn­dar­dyń sany – 244 140 adam. Bul óńir­degi ekpe alýǵa tıisti halyq­tyń 58,9%-y.

Turǵyndardyń basym kóp­shiligi, ıaǵnı 183 361 adam – «Spýt­nık V», 19 896 adam – «QazVac», 24 998 adam – «Hayat-Vax», 7 728 adam – «Corona-Vac», 21 132 adam «Vero Cell» ekpe­sin tańdaǵan eken. Al Pfizer kompa­nııa­synyń «Ko­mırnatı» vaksınasyn 5 770 adam aldy, onyń ishinde júkti áıelder – 195, bala emizetin áıelder – 2 467 jáne jasóspirimder – 3 108. Revak­sı­nalaýdan 20 730 adam ótken.

Muhamǵalı Aryspaev óńir­degi epıdemııalyq ahýal­dy qatań baqylaýǵa alyp, eger jaǵdaı túzelmese, shekteý sharalaryn kúsheıtetinin habarlady.

Batys Qazaqstan oblysy