Shymkentte shaqyrtýlar boıynsha jolǵa shyqqan jedel járdem kólikterine shabýyl jasaǵan buzaqylar tas laqtyryp, olardyń jolyn bógemek bolǵan. Kólikte bolǵan aq halatty abzal jandy julqylap, kúsh qoldanǵan kezde ony áriptesteri áýpirimdep júrip aman alyp qalǵan.
«Sol ýaqytta shaqyrtýshylar sanynda esep bolǵan joq. Jaǵdaıdy eskerip, dıspetcherlerdiń sanyn kóbeıttik. 4 qańtar kúni eki brıgadaǵa shabýyl jasalsa, 5 qańtar kúni mundaı áreket bes márte qaıtalanǵan. Jalpy 6 avtókóligimizdiń terezeleri syndy. Bir feldsherdiń ıyǵyna tas tıdi», deıdi Shymkent qalasy jedel járdem stansasynyń bas dárigeri Gúlnar Qurmanbekova.
