Eske salaıyq, 35-gvardııalyq desanttyq-shabýyl brıgadasy komandıriniń orynbasary podpolkovnık Sándibek Haırov ákimdik ǵımaratyn kúzetip júrip qaza tapqan bolatyn. Ol shabýyl jasalǵan ǵımarattan áskerılerdi shyǵaryp úlgergen, biraq ózi qashyp qutyla almaǵan.
Almaty ákimi Baqytjan Saǵyntaev marqumnyń týystary men jaqyndaryna kóńil aıtty.
«Qaza tapqan áskerı qyzmetshilerdi, quqyq qorǵaý organdary qyzmetkerleriniń qurmetine qoıylatyn eskertkish Respýblıka alańynda máńgi saqtalady. Bul bizdiń elimizdi lańkesterden qorǵap, beıbitshilikti saqtap, azamattardyń qaýipsizdigin qamtamasyz etkenderdi eske alý úshin urpaqtarǵa arnalady», dedi Saǵyntaev.
Sondaı-aq Haırovtyń otbasyna materıaldyq kómek kórsetiletinin, páter bólinetinin aıtty. Marqumnyń artynda áıeli men eki balasy qaldy.
