Qazaqstan • 13 Qańtar, 2022

Ár azamat el damýyna eleýli úles qosýy tıis

99 ret kórsetildi

Memleket basshysy Qasym-Jomart Toqaev eldegi qıyn jaǵdaıda halyqty tyǵyryqtan alyp shyǵý úshin oń sheshimder qabyldady. Qazaqstandyqtardyń jyldar boıy qordalanyp qalǵan ózekti máselelerine mán berip, jańa saıası-áleýmettik ózgeristerge jol saldy.

Qazaqstan Prezıdenti kúni keshe ǵana Májilis otyrysyna qatysyp, eldiń ál-aýqatyn kóterýge qatysty sala basshylaryna birqatar naqty tapsyrmalar berdi. Prezıdent sońǵy kúnderi elimizde oryn alǵan halyqaralyq lańkestik oqıǵalardy saralaı kele, jańa dáýirdegi táýelsiz Qazaqstannyń jańa baǵytta damý kerektigin atap ótti.

Memleket basshysynyń qoǵamdy saýyqtyrýdyń birneshe joldary men baǵyttaryn naqty atap berip, jańa saılanǵan Úkimet basshysyna naqty tapsyrmalar berdi. El ekonomıkasyn órkendetý, halyqtyń ál-aýqatyn arttyrý, bilim men ǵylym salasyn damytý, taǵy basqa ózekti máselelerdi kún tártibine qoıyp, tıimdi sheshý joldaryn aıqyndady.

Ult ustazy – Ahmet Baıtursynovtyń bolashaqtyń kilti mektepten bastaý alatynyna toqtala otyryp, jańa zaman talabyna saı tehnıkalyq kadrlardy daıarlaýdyń mańyzy zor ekenin erekshe atap ótti. Keshegi Qazaqstanda oryn alǵan dúrbeleńnen keıin elimizdiń egemendigi men táýelsizdigimizdiń turaqtylyǵyn saqtaýda jańa qadamdar men jańa kózqaras qajet ekeni ańǵaryldy. Bul oraıda barsha qazaqstandyqtar Prezıdentimiz Q.Toqaevtyń mańyna toptasa jáne ony qoldaı otyryp, bul qıynshylyqty eńserip shyǵatynymyzǵa senimimiz mol.

Ál-Farabı atyndaǵy Qazaq ulttyq ýnıversıtetiniń oqytýshy-professorlyq quramy men bilim alýshy jastary Memleket basshysynyń elimizdiń kemel keleshegi úshin baǵyttalǵan ár bastamasyn qoldaıdy.

Elimizde tynyshtyq, beıbitshilik bolsyn. Táýelsizdigimizdiń tuǵyry shaıqalmasyn. Al osy qundylyqtardy saqtap qalý úshin árbir Qazaqstan azamaty óz bilimimen, adal eńbegimen el damýyna eleýli úles qosýy tıis.

 

Almasbek MÁÝLENOV,

Ál-Farabı atyndaǵy QazUÝ

Jambyl ǵylymı-zertteý ortalyǵynyń dırektory,

fılosofııa ǵylymdarynyń doktory, professor

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar