Bizdiń myqtylyǵymyz – zań men tártipte

Biz, quqyqtyq tártip ás­keri­niń ardagerleri, osyndaı sátte Prezıdentti qoldaımyz jáne búkil qazaq halqyn birigip tártip­ti saqtaýǵa jáne qalypty ómirge oralýǵa shaqyramyz. Biz burynǵy Keńes kezinde ártúrli aımaqtarda uzaq jyldar qyzmet etý barysynda kóptegen jaǵdaı­lardy bas­­tan keshirdik, Keńes Odaǵynyń qulaýy men jańa Ishki áskerdiń qurylýyna da kýá boldyq.

О́kinishke qaraı, áskerimiz – Ulttyq ulannyń 30 jyldyq mereıtoıy memlekettik tóńkeris jasamaq bolǵan lańkesterdiń qolynan qaza bolǵandardy eske alýǵa oraı jarııalanǵan Jalpy­ulttyq aza tutý kúnine sáıkes keldi. Qasym-Jomart Kemeluly «Qoǵam bolyp birigýimizdiń arqasynda shabýylshylarǵa, sonyń ishinde kásibı ssenarıı boıynsha mashyqtanǵan qylmys­tyq topqa, memleket tutastyǵyn buzýǵa nıettilerge qarsy tura bildik» dep óte oryndy aıtty. О́ıtkeni joǵary laýazymda otyrǵan saıası qaıratkerlerdiń ózi qoǵamnyń bir bóligin jappaı tártipsizdikke daıyndap, sońyn qaıǵyly jaǵdaıǵa ulastyrǵany anyqtalyp jatyr.

Biz Prezıdentimizdiń Ujym­dyq qaýipsizdik týraly shart uıymyna múshe mem­leket­teriniń bitimgershilik kúshterin engizý týraly sheshimin qol­daımyz. Shyn máninde bitim­ger­shilik kúshteriniń shoǵyr­lanýy­nyń arqasynda ásem qalamyz – Almaty aman qalyp, der kezinde qutqaryldy.

Búginde lańkestikke qarsy operasııa óziniń sońǵy kezeńine aıaq basyp otyr. Biz, ardagerler, kóp uzamaı sany on myńnan asqan zańsyz áreketterge aıdap salýshylar men qatysýshylardyń barlyǵy ustalyp, jaýapqa tarty­lady dep senemiz. Qandy qań­tar kúnderiniń kinálileri min­­det­ti túrde jazasyn alýy kerek. Zulymdyq laıyqty jáne ádil jaýap alýy tıis. Prezı­dent aıtqandaı, «beıbit turǵyn­darǵa qarsy qylmysqa qatysy bar barlyq sodyrlar men olar­dyń sybaılastary tabylyp, jazalanǵany jón».

Osy turǵyda UQShU memle­ketteri kóshbasshylarynyń Qazaq­standaǵy tártipsizdik kezin­de kórsetken kómekterin atap ótkim keledi. Bul jóninde Qasym-Jomart Toqaev onlaın kez­desý barysynda erekshe aıtyp ótip, UQShU-ǵa múshe elderdiń basshylaryna óziniń shynaıy alǵysyn bildirdi. О́z kezeginde osy bir surapyl kún­deri maǵan Qazan, Saratov, Sankt-Peter­býrg, Máskeý qala­larynan bu­ryn birge oqyp, qyz­met­tes bol­­ǵan áriptester habarla­syp, el­­degi jaǵdaıdyń tez ońa­­lýyna qol­daýlaryn bildirdi. Olar­­dyń da bizdiń máselege beıjaı qaraı almaıtynyn jú­rek­ke jylý uıalatty.

Bul rette biz Memleket bas­shysynyń quqyq qorǵaý júıesin reformalaýdan bastap, bar­lyq mańyzdy salada aýqymdy reformalar júrgizý týraly sheshimin qýana qabyldadyq. О́ıt­keni Ulttyq ulan men polı­sııa­nyń memleket tarapynan joǵary deńgeıde qoldaý tabýy asa mańyzdy. Prezıdentimizdiń barlyq málimdemelerinde ekstre­mısterdiń qııan-keski shabýyldaryna toıtarys berip, basqa da kúsh qurylymdarymen ıyq tirestire otyryp, saqshylardyń batyldyǵy men qyraǵylyǵy týraly oń sóıleıtini qýantady.

Ásirese, tártip saqshylary úshin Memleket basshysynyń sóılegen sózine nazar aýdaryp qana qoımaı, mańyzdy ekpin aıt­qanyn estý óte mańyzdy. О́ıt­keni Memleket basshysy: «Ulttyq ulandy sandyq jáne sapalyq jaǵynan kúsheıtý qa­jet. Bólinisterin nyǵaıtyp, óńir­lerde jańa bólimshelerin jasaqtaýdy qolǵa alý kerek. Ulttyq ulannyń kóliktik jáne mate­rıaldyq-tehnıkalyq tur­ǵy­da tolyq qamtamasyz etilýin sheshý qajet. Ishki ister mı­nıstr­ligi men Ulttyq ulan­nyń arnaıy maqsattaǵy bólim­she­leriniń sany arttyryl­­syn. Jaýyngerlik ázirlik deń­­geıi kóterilsin. Qajetti arnaıy kólik­­termen qaıta jab­dyq­tal­syn. Barlyq quqyq qor­ǵaý organ­darynyń arnaıy jasa­q­tary qyzmetkerleriniń jalaqysy kóterilsin», dedi.

Osy qysqa da, mańyzdy sóz­der­den memleket tarapynan bizge jasalyp jatqan qamqor­lyq­ty, jańa ózekti maqsattardy kórýge bolady. Endi jeke quram­nyń aldynda osynyń bar­lyǵyn tıimdi, ári qysqa merzimde atqarý min­deti tur. Al biz, ardagerler, ómir­lik jáne qyzmettik táji­rı­be­mizdi bere otyryp, aıtyl­ǵan ońtaıly bastamalardy to­ly­ǵymen qoldaı­myz.

Memleket basshysy atap ót­kendeı, birge – biz myqtymyz. О́z tarapymyzdan aıtpaǵymyz: myq­ty­lyǵymyz – zań men tártipte.

Qalıaqpar TOQYShEV,

otstavkadaǵy general-maıor,

QR Ulttyq ulany Ardagerler keńesiniń tóraǵasy