Qazaqstan • 14 Qańtar, 2022

«Chevron» bas dırektory kompanııa qyzmetkerlerine qoldaý bildirdi

89 ret kórsetildi

«Chevron» kompanııasynyń bas dırektory Maıkl Vırt Prezıdent Qasym-Jomart Toqaevqa joldaǵan hatynda qazaqstandyqtarǵa qoldaý bildirdi, dep habarlaıdy Egemen.kz.

«Qazaqstannyń baıyrǵy dosy jáne seriktesi retinde, biz «Chevron»-da ótken aptada bolǵan oqıǵalarǵa qaıǵyryp, Sizge jáne Qazaqstan halqyna kóńil aıtamyz. Bizdiń oılarymyz osy qıyn-qystaý kezeńde Qazaqstan halqymen birge jáne biz Qazaqstanǵa qazirgi qıynshylyqtardy tezirek eńserýge degen izgi tilekterimizdi joldaımyz», dedi ol.

Onyń aıtýynsha, eldegi kompanııa kásiporyndarynyń personalyna erekshe kóńil bólinip otyr.

«Qazaqstandaǵy qyzmetkerlerimizdiń qaýipsizdigi men amandyǵy basymdyǵymyz bolyp qalýda. Biz Teńizde turaqty, qaýipsiz jáne senimdi jumysty qamtamasyz etý úshin barlyq kúsh-jigerimizdi salýdy jalǵastyramyz jáne «Teńizshevroıl» qyzmetkerlerine óz isine adaldyǵy úshin alǵysymyzdy bildiremiz», dedi Maıkl Vırt.

Hattyń kóshirmesi Qazaqstan Respýblıkasynyń Amerıka Qurama Shtattaryndaǵy Elshisi Erjan Ashyqbaevtyń Tvıtterdegi paraqshasynda jarııalandy. Dıplomat «Chevron» Bas dırektoryna qoldaý kórsetkeni úshin alǵys aıtyp, eldiń úkimeti ınvestorlardyń Qazaqstannyń ekonomıkalyq turaqtylyǵyna degen senimin saqtaý úshin barlyq múmkin sharalardy qabyldaıtynyna sendirdi.

Sońǵy jańalyqtar

Tozaq qaqpasy

Rýhanııat • Keshe

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar