Álem • 16 Qańtar, 2022

О́zbekstan tabıǵı gaz eksportyn toqtatty

133 ret kórsetildi

О́zbekstan tabıǵı gaz eksportyn toqtatty. Mundaı sheshimdi kórshiles eldiń Energetıka mınıstrligi qabyldaǵan. О́zbekstan Ortalyq Azııa memleketterine, sonyń ishinde Qazaqstanǵa da tabıǵı gaz jetkizetin, dep habarlaıdy Egemen.kz «Habar 24» arnasyna silteme jasap.

О́zbekstan gaz qory boıynsha Orta Azııada Túrkmensten men Qazaqstannan keıingi úshinshi orynda. Eldegi kólikterdiń basym bóligi kógildir otyndy tutynady. Buǵan deıin kórshi respýblıkalar bir-birin qajetti energııa resýrstarymen qamtamasyz etip keldi. Alaıda bıyldan bastap jaǵdaı ózgermek.

«О́zbekstan úkimeti gaz eksportyn shekteý jóninde sheshim qabyldady. Onyń ornyna ishki naryqta kásiporyndar qýatyn arttyrý úshin qoldanylady. Shıki kúıinde emes, sol arqyly daıyn ónimder jasap, syrt elderge tasymaldaımyz», dedi О́zbekstannyń Energetıka mınıstrligi basqarmasynyń basshysy Jamal Husanjanova.

Kórshi elde osy salada buǵan deıin qabyldanǵan sheshimder de kúshin joıýy yqtımal. Máselen, qoldanystaǵy kelisim boıynsha О́zbekstan aldaǵy birneshe jyl boıy Qytaıǵa kógildir otyn jetkizýge mindetti. Endi bul qujattyń keleshegi kúmán týdyryp tur.

«Qazaqstanmen ǵasyrlar boıy qalyptasqan baılanys bar. Biz bir-birimizge tranzıt salasynda kómektesemiz. Máselen, Qazaqstannyń soltústiginde óndirilgen gazdy ońtústik aımaqtarǵa bizdegi magıstraldi qubyrlar arqyly jetkizip beremiz. Infraqurylym keńes úkimeti kezinen bar. Sony saqtap qalǵanbyz», dedi Jamal Husanjanova.

2020 jyly О́zbekstan premer-mınıstri Abdýlla Arıpov el ishinde qaıta óńdeýge tolyǵymen kóshý jáne qosylǵan quny joǵary ónim shyǵarýdy jolǵa qoıý úshin 2025 jylǵa qaraı gaz eksportyn toqtatý josparlary týraly málimdedi. 

Sońǵy jańalyqtar

Dollar 10 teńgege qymbattady

Qarjy • Búgin, 16:23

Referendýmǵa latvııalyq baqylaýshylar keledi

Referendým-2022 • Búgin, 15:25

Saıajaıdan esirtki zerthanasy tabyldy

Aımaqtar • Búgin, 13:07

Uqsas jańalyqtar