5 qańtarda Almaty qalasynyń ortalyǵyna bir mezgilde 20 myń adam jınalǵan.
Qanat Taımerdenovtiń aıtýynsha, sol kúni Respýblıka alańyna jınalǵan myńdaǵan shabýylshylar Almaty qalasy ákimdigin basyp alýǵa ekinshi ret talpynǵan.
- Shekteýli keńistikti jáne ákimdiktegi adamdardyń tyǵyzdyǵyn eskere otyryp, polısııa qyzmetkerleri qarý qoldanǵan joq. О́ıtkeni, kóptegen adam shyǵynyna ákelýi múmkin edi. Osyǵan baılanysty podıseıler qarý qoldanbaı sheginýge májbúr boldy,- dedi ol.
Saldaryna shabýylshylar ákimdikti tonaý, órteý arqyly dúnıe-múlikti búldire bastaǵan. Polısııa qyzmetkerleri men áskerı oqý ornynyń kýrsanttaryn uryp-soǵyp, mazaq qylyp arnaıy quraldary men kıimderin tartyp alǵan.
- Qańtardyń 5-inen 6-ysyna qaraǵan túni sodyrlar Polısııa departamentiniń Almaly, Jetisý, Áýezov, Bostandyq aýdandyq bólimshelerin jáne jergilikti polısııa qyzmeti ǵımarattaryn qarýly basyp alýǵa árekettengen. Osyǵan baılanysty ǵımaratty qorǵaý jáne áskerı qarýlardyń urlanýyn boldyrmaý maqsatynda shabýyl jasaǵandarǵa oq atyldy. Men ózim Polısııa departamentinde boldym. Ǵımaratty basyp alý úshin 27 ret shabýyl jasalǵan, - dedi Almaty qalalyq PD bastyǵy búgingi brıfıngte.
