Lańkester beıbit sherýlerge 4 qańtarda qosylǵany aıtyldy.
«Narazylyq aksııalary qalanyń ártúrli bólikterinde bir ýaqytta ótkizilgeni bárimizge aıan. Qatysýshylar sany tez óse bastady. Rysqulov, Saın kósheleri, shyǵys aınalma joly jáne Tóle bı kósheleri boıynsha joldardy jabý jáne qozǵalysty buǵattaý áreketteri jasaldy. Mıtıngige shyqqandar sanynyń artýyna baılanysty olarǵa terrorıster, radıkaldar, ekstremıster men krımınalıtet qosyldy, olar jınalǵandardy bılik pen polısııaǵa qarsy agressıvti, zorlyq áreketterge jáne ákimdik ǵımaratyn basyp alýǵa shaqyrdy. Jıyn oryndaryna taıaqtar, bıtalar, tastar, bótelkelerge quıylǵan benzın men alkogol jetkizildi. Tóle bı kóshesinde trotýar plıtalary bólshektele bastady. Osyǵan baılanysty men qoǵamdyq qaýipsizdikti qamtamasyz etý, azamattardyń ómiri men múlkin qorǵaý maqsatynda arnaıy jedel jospar engizdim, dabyl boıynsha garnızonnyń barlyq jeke quramy kóterildi. Qala kóshelerinde, saıabaqtarda, skverlerde polısııa men áskerı qyzmetshilerdiń qosymsha jasaqtary qoıylǵan», dedi Qanat Taımerdenov OKQ brıfınginde.
